Codex Atlanticus

Codex Atlanticus es ön 12 bändisch Zösammeställong va Zechnunge un Belder, di Leonardo da Vinci tösche 1478 un 1519 erstalld had. Sö es hü en d Biblioteca Ambrosiana ä Mailand zö vänge.

Leonardo da Vinci hod völl va sing Ideee als looß Blattsammlung opjöschrävve. No singe Duud veele di Francesco Melzi en d Häng, dä beij Leonardo jeliird hod. Däm singe Jong Orazio ärvde di 1119 Bläär, kömmerde sisch ävver komm öm dä Kroom un sö woode vorstreud. Pompeo Leoni fluppde öt, dr jrüützde Deel van Leonardos Opzeechnunge wärm zösamme z kriije un maade dorus dr Codex Atlanticus, dä ävver zo di Zitt mä us 400 Bläär böstäng.

Leoni storv em Joohr 1608, un op Ömwäch koom dr Codex zo dr Jraf Galeazzo Arconati. Dä kutt ävver winich domet aavange un schenkde di Saache d Ambrosianische Bibliothek ä Mailand.

Tösche 1968 un 1972 woode di Ongerlare noch ens dörchjekekke un neu zösammejöbonge. Hüü send en dr Codex 1119 Bläär us Leonardos Opzeechnunge. Jeddes Blatt had di Mosse 64,5 x 43, 5 cm. Öt send 12 Bänd druss woode.

Em Joohr 2002 stald mo vass, dat op d Bläär Fläcke wore, di mo z isch vöör Schömmel jöhalde had. Spiir vong mo ävver öruss, dat dat Queckselver es, dat mo zo öt Papiir jöjovve hod, öm dodörch dovör z sorje, dat kenne Schömmel an öt Papiir kütt.

• Övver dr Codex