Nanortalik

Nanortalliup kommunea illoqarfinni kujasinnerpaajuvoq, nunatta isuata nalaani. 1797-mi tunngavilerneqarpoq, Nanortalilli 1830-mi, maanna suli inissisimaffianut nuunneqarpoq. 1300–1600-it missaanni inoqarpoq, nunaqarfigalugillu Aappilattoq (160-it miss. inulik), Narsarmijit, nunaqarfik kujasinnerpaaq (125-it), Tasiusaq, Ammassivik (79-it), kiisalu Alluitsup Paa, nunaqarfik inuttunersaq (390-it).

Assagiarsunniarneq (saattussarniarneq aamma), puisinniarneq (natsersuarniarneq annerusumik), aalisarnerlu angallatiniik mikinerusuniik, inuutissarsiutini pingaarnersaapput. Inuutissarsiulli Nanortalliup kommuneanut, nunatsinnullumi oqaluttuarisaanikkut aamma pingaaruteqarluinnalersoq, tassaavoq Nalunami gultisiorfik.

Nanortalliup, nunatta isuata nalaani eqqaanilu, pinngortitamigut aamma alianaattorsuuvoq. Qaqqarsuit inngigissut, naggorinnera. Tasermiup kangerlua unniangooq alianaattorsuaq aamma, piluttat 8, 10 meterit tungaannut portussusilillit. Tassaniittaaq aamma orpippassuaqarfik, orpiit naajorartinneqarnikuullutik. Ilorpasinnerusumi qallunaatsiaat pillugit nassaat, illukut aamma takussaapput.

Ravnefjeldet