Серік Керімбекұлы Қонақбаев

Серік Қонақбаев
Жалпы мағлұмат
Толық есімі	Серік Керімбекұлы Қонақбаев
Азаматтығы	Қазақстан
Туған күні	25 қазан 1959 (1959-10-25) (65 жас)
Туған жері	Павлодар қаласы
Салмағы	63,5 кг

Марапаттар
Ерлер боксі
Қазақстан
Олимпиада ойындары
Күміс	Мәскеу 1980	Бірінші жартылай орташа салмақ
Әуесқой бокстан әлем чемпионаты
Күміс	Мюнхен 1982	Бірінші жартылай орташа салмақ

Серік Керімбекұлы Қонақбаев (25 қазан 1959 жыл, Павлодар) – боксшы, Мәскеу олимпиадасының күміс жүлдегері (1980), КСРО еңбек сіңірген спорт шебері (1981), Әлем чемпионатының күміс жүлдегері (1982), екі дүркін Еуропа чемпионатының жеңімпазы (1979, 1981), Кеңес Одағының 2 дүркін чемпионы.

Дулат тайпасының Жаныс руынан.^[1]

Халықаралық әуесқой бокс ассоциациясы (AIBA) атқарушы комиететінің мүшесі (2010-2014)^[2], Қазақстан Республикасының Парламент Мәжілісінің II және IV шақырылымдарының депутаты (1999 - 2011), Қазақстан бокс федерациясының төрешілер корпусымен жұмыс жөніндегі вице-президенті^[3]

Жамбыл гидромелиоративтік құрылыс институтын (1981), қазіргі Қазақ мемлекеттік спорт және туризм академиясын (1984) бітірген.

Бокспен 14 жасынан бастап айналысқан. КСРО халықтары спартакиадасының және КСРО чемпионатының күміс жүлдегері (Мәскеу, 1979), екі мәрте Еуропа чемпионы (ГФР, Кельн, 1979, Финляндия, Тампере, 1981), Әлем кубогінің иегері (АҚШ, Нью-Йорк, 1979), Мәскеуде өткен 22-Олимпиялық ойындардың күміс жүлдегері (1980), Әлем кубогінің иегері (Канада, Монреаль, 1981), Әлем чемпионатының күміс жүлдегері (ГФР, Мюнхен, 1982), КСРО чемпионы (1980, 1984). 1981-87 жылдары бапкерлік жұмыстар атқарды, коммерциялық “Қазақстан” спорт клубының (1990), ҚР кәсіпқой бокс федерациясының (1992-94), ҚР Президенті жанындағы ұлттық спорт қорының президенті (1994-96) болды. 1999 жылдан ҚР Парламентінің Мәжіліс депутаты. Мемлекеттік “Дарын” жастар сыйлығының иегері (1993).

Кезең	Спортшы	Мемлекеті	Нәтижесі	Спортшы	Мемлекеті
1/16	Серік Қонақбаев	КСРО	(5:0)	Симион Чутов	Румыния
1/8	Серік Қонақбаев	КСРО		Имре Бакшкай	Мажарстан
1/4	Серік Қонақбаев	КСРО	(уақытынан бұрын)	Хосе Ангел Молина	Пуэрто-Рико
1/2	Серік Қонақбаев	КСРО	(4:1)	Хосе Агуйлар	Куба
Финал	Серік Қонақбаев	КСРО	(1:4)	Патрицио Оливиа	Италия

1. ↑ Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Жаныс — Алматы: Издательство Өнер, 2004. — 992 б. — ISBN 9965-595-78-Х.
2. ↑ AIBA Executive Committee 2010-2014
3. ↑ Руководство Казахстанской Федерации Бокса