Семен Семенович Макаров

Семен Семенович Макаров (1902-1972), таукен машиналарының конструкторы, ҚазКСР-інің еңбек сіңірген өнертапқышы (1960). 1926-1941 ж. Донбастың әр түрлі шахталарында слесарь, көмірді ойып үгетін машинаның машинисі, бас механик. 1941-42 ж. Тау-кен шахта-жабдықтарын Донбастан Қарағандыға көшіруді ұйымдастырушылардың бірі. 1942-45 ж. №31 Қарағанды шахтасының бас механигі. 1945-1953 ж. Қарағандыдағы кен техникасын жасау және жетілдіру жөніндегі арнаулы конструкторлық бюроның жетекшісі. 1953-1964 ж «Гипроуглегормаш» институтының бас конструкторы, 30-дан астам ғылыми еңбек пен өнертапқыштық ұсыныстардың авторы. 194445ж. ГМК-1 (Мақаров кен комбайны) көмір комбайнынжасапшығарды. 1947 ж. Қарағанды көмір бассейнінің шахталарында 24 ГМК-1 комбайны тиімді жұмыс істеді, соның нәтижесінде бассейнде ең жоғарғы еңбек өнімділігіне қол жетті. М. сондай-ақ ГМК-2, КМ-6 М, КМ-4М көмір көмбайндарын, УДП-2 көмір қопарып, тиейтін машина т. б. жасады. 2-сайл. КСРО Жоғарғы Кеңесінің депутаты. КСРО Мемлекеттік сыйл. лауреаты (1948). Еңбек Қызыл Ту орденімен марапатталған. Облыстық өлкетану мұражайында Макаров еңбектері қойылған.^[1]

1. ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5

Бұл мақалада еш сурет жоқ. Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз. Суретті мыннан табуға болады: осы мақаланың тақырыбына байланысты сурет Ортақ қорда табылуы мүмкін; мақаланың өзге тіл уикилеріндегі нұсқаларын қарап көріңіз; өзіңіз жасаған суретті жүктеңіз (авторлық құқықпен қорғалған сурет қоспаңыз!).

Бұл жаңа мақаланың бастамасы. Бұл мақаланы толықтырып, дамыту арқылы, Уикипедияға көмектесуіңізді сұраймыз.

Бұл мақаланы Уикипедия сапа талаптарына лайықты болуы үшін уикилендіру қажет.