Еркінқала

Ауыл
Еркінқала
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Атырау
Ауданы	Атырау
Ауылдық округі	Еркінқала
Тарихы мен географиясы
Координаттары	47°01′16″N 51°48′29″E / 47.02111°N 51.80806°E / 47.02111; 51.80806
Уақыт белдеуі	UTC+5:00
Тұрғындары
Тұрғыны	▲10939 адам (2021)
Этнохороним	еркінқалалық, еркінқалалықтар
Сандық идентификаторлары
Пошта индексі	060019
Автомобиль коды	06
Еркінқала Еркінқала
Еркінқала шекарасы
Ортаққордағы санаты: Еркінқала

Еркінқала — Атырау облысы Атырау қалалық әкімдігіне қарасты Еркінқала ауылдық округі орталығы.

Атырау қаласынан оңтүстік-батысқа қарай 8 км-дей жерде Жайық өзенінің саласының жағалауында орналасқан.

1930 жылы ұжымдастыру кезінде «Еркінқала» балықшы колхозының негізінде қалыптасқан. 1957 жылы Ленин атындағы колхоздың орталығы болды.

1989 жылы елді мекенде 2099 адам тұрған.^[1] 1999 жылы тұрғындар саны 2536 адам (1247 ер адам және 1289 әйел адам) болса, 2009 жылы 3333 адамды (1668 ер адам және 1665 әйел адам) құрады.^[2]

2021 жылғы санақ қорытындысы бойынша 10939 адамды (5340 ер адам және 5599 әйел адам) құрады.^[3]

• Еркінқала орта мектебі - Еркінқала мектебі 1931-жылы бастауыш сынып болып ашылды. 1934-жылы мектеп 7 жылдық болып қайта құрылды. 1940-1950 жылдар аралығында Еркінқала орталау мектебі жұмыс жасады. 1950-1960 жылдар аралығында орталау мектеп орта мектепке айналды. 1983 жылы 624 орынды жаңа мектеп үйі салынып, пайдалануға берілді.^[4]
• №37 «Болашақ» бөбекжай-бақшасы
• Еркінқала дәрігерлік амбулаториясы,^[5]
• Мәдениет үйі
• Музыка мектебі

«Қайтпай сұлтан» мешіті — 850 орындық мешіт 2022 жылы 14 қазанда пайдалануға берілді. Мешітте ерлер және әйелдерге арналған намаз оқу залдары, дәрісханалар бар. Сондай-ақ, мешіт жанынан асхана, имам үйі де пайдалануға берілді.^[6]

Ауыл негізінен балық, мал, егін шаруашылығымен айналысады. Ауылда бекіре өсіру зауыты,^[7], "Ақ желкен", "Еркінқала" өндірістік кооперативтері балық өсіру және тұщы суда балық аулаумен айналысады.

Ауылда көптеген жауапкершілігі шектеулі серіктестіктер жұмыс жасайды. Олар: инженерлік ғимараттар құрылысы, тамақтануды қамтамасыз ету, жеңіл автомобильдер мен жеңіл автокөлік құралдарын жалдау, жүк автомобиль көлігінің қызметі, өзге де жеке көрсетілетін қызметтерді ұсыну т.б. бағыттарда қызмет көрсетеді. Бірнеше азық-түлік, құрылыс дүкендері бар. Елді мекендермен автомобиль жолдары арқылы қатынасады.

Еркінқала ауылы.	Еркінқала ауылы	Еркінқала ауылы	Еркінқала ауылы	Еркінқала ауылы

• Атамұра көшесі
• Ақжайық көшесі
• Ақжелкен көшесі
• Әлләзи Әленов көшесі
• Баймырза Жексемалиев көшесі
• Балықшылар көшесі
• Батыр Өтеев көшесі
• Бөлекқайыр көшесі
• Гиният Шапауов көшесі
• Ғалымжан Елеманов көшесі (№4 көше)
• Дүйіш Есқалиев көшесі
• Жастар көшесі
• Желтоқсан көшесі
• Жеңіс көшесі
• Жұмабай Даулетов көшесі
• Зіну Сартымбетов көшесі (№43 көше)
• Қарапа Наурызалиев көшесі (№40 көше)
• Қидас Көшербаев көшесі
• Қызыл теңізші көшесі
• Сабыртай Айтмағамбетов көшесі
• Серғазы Төлепов көшесі
• Сәулен Оразалин көшесі
• Тапан Асанов көшесі
• Тәжден Қасанов көшесі (№34 көше)
• Тәуелсіздіктің 10 жылдығы көшесі
• Тәуелсіздіктің 10 жылдығы өткелі
• Шамырат Аманов көшесі
• Шәріп Түсіпқалиев көшесі