Бофорт теңізі

Бофорт теңізі — Солтүстік мұзды мұхиттың Солтүстік Америка жағасындағы шеткі теңізі. Аляска түбегі (АҚШ) мен Канаданың Арктикалық топаралының батыс аралдары аралығында. Ауд. 481 мың км², ең терең жері 3749 м, орташа тереңдігі 1004 м. Теңіздің көп бөлігі құрлықтық қайраңда жатыр. Мұнда циклондық су айналымы байқалады. Жыл бойы мұз айдыны жауып жатады, тек тамызда оңт. жағасы 4^оС-қа дейін жылынып, мұзқұрсаудың жиегі 50 — 100 км солтүстікке шегінеді. Теңізге Канада жерінен Маккензи өзені құяды. Бофорт теңізі ағылшын адмиралы Ф.Бофорттың есімімен аталған.

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том

Бұл мақаланы Уикипедия сапа талаптарына лайықты болуы үшін уикилендіру қажет.

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет.