Атаи Мәулана Шеих Құсайын

Атаи Мәулана Шеих Құсайын – түркі ақыны. 15 ғ-да ежелгі Сайрамда өмір сүрген. Өз заманында оқымысты, терең білімді адам болған. Ол Самарқандта қызмет атқарған. Бізге ақынның «Диуан» аталатын өлеңдер жинағы (260 туынды) жеткен. Бұл жинақтың түпнұсқасы Санкт-Петербургтегі Шығыстану инcтитутында сақтаулы. Ақынның махаббатты, табиғатты, сұлулықты мадақтайтын ғазалдары өзбек тіліне аударылып, бірнеше мәрте жарық көрді. Ол өлеңдерінде жақсылық іс қылуға, адал жүріп, анық басуға шақырған. Көшпелі түркі халықтарының өмірін, салтын, поэзиясын өте жақсы білетіндігін шығармаларында танытып отырған. Ол шығармалары қазақ әдебиетіне тіл жағынан да, түр жағынан да жақын. Қазақ ауыз әдебиетіндегі «айтыс», «жар-жар» сияқты өлең үлгілерін өз шығармаларында жиі қолданған.^[1][2]

1. ↑ Оңтүстік Қазақстан облысының энциклопедиясы.
2. ↑ Отырар. Энциклопедия. – Алматы. «Арыс» баспасы, 2005 ISBN 9965-17-272-2

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет.

Бұл мақаланы Уикипедия сапа талаптарына лайықты болуы үшін уикилендіру қажет.