Александр Герасимович Батурин

Александр Герасимович Батурин
Туған күні	21 шілде 1915 (1915-07-21)
Туған жері	Полтавка, Мәртөк ауданы, Троицк уезі, Ресей империясы
Қайтыс болған күні	29 қараша 1985 (1985-11-29) (70 жас)
Қайтыс болған жері	Малый Зайкин, Первомай ауданы, Орынбор облысы, РКФСР
Мемлекет	Ресей империясы  КСРО
Қызмет еткен жылдары	1938-1948
Атағы	майор
Әскери бөлімі	71-авиация полкі
Шайқасы	Ұлы Отан соғысы
Марапаттары
Отставкада	Аэрофлот пен ДОСААФ-та жұмыс жасады

Александр Герасимович Батурин (1915, Ақтөбе облысы Марток ауданы Полтавка е., о.ж. б.) — екінші дүниежүзілік соғысқа қатысушы, аға лейтенант, кейіннен майор, ұшқыш, полк командирінің орынбасары.

Орыс. 1935 ж. Орынбордың аэроклубына оқуға түскен, бұдан кейін Жоғары ұшқыш-планерлер мектебінде оқыды.

1938 ж. Кеңес әскері қатарына шақырылып, Алматы аэроклубында нұсқаушы-ұшқыш болып істеді. Соғыс басталғаннан бастап 61-авиация бригадасының 71- авиация полкі командирінің орынбасары болды.

1941 жылдың 21 тамызында Эстонияның астанасы - Таллинде жаудың 20 бомба тастаушы ұшақтарымен алғаш рет шайқасты. Әсіресе Ленинград үшін болған шайқаста (1942 жылдың 3 сәуірінде) дұшпанның 4 ұшағымен ұрыс жүргізіп, ерекше ерлік көрсетті. Батурин 8 ұшақтан тұратын топты басқарып, 3 неміс ұшағын жойды. 24 сәуірдегі Ленинград үшін шайқаста жаудың 3 ұшағын атып түсіріп, 3 соғыс ке��есін суға батырды, 40 зенитті пулемет ұясын, 3 батареясын, әскерлер мен соғыс жүктері тиелген 42 автоколігін, ауада бақылайтын 3 аэростатын, 4 оқ-дәрі қоймасын жойып жіберді. Үздік шабуылшы-истребитель аталған Батуринге КСРО Жоғары Кеңесі Төралқасының Жарлығымен 1942 жылғы 23 қазанда Кеңес Одағының Батыры атағы берілді.

Соғыстан кейін Батурин көп жылдар бойы Ақтөбе қаласында тұрып жұмыс істеді. 1996 ж. Ресейдегі Татарстан Республикасы Альметеевск қаласына қоныс аударған.^[1]