Аймаралар

Аймаралар — Оңтүстік Американы мекендейтін үндіс халқы. Жалпы са��ы — 2,55 млн. адам (1992). Аймара тілінде сөйлейді.

Аймаралар ерте замандардан белгілі: б.з. 1-мыңжылдығының ақырына дейін тарихи Тиауанако мәдениетін жасаған. 15 ғасырдың соңғы ширегінде Инк мемлекетінің құрамына кірген. Қазір Боливияның батысындағы Титикака және Поопо көлдерінің маңында, Перу мен Чилиде тұрады. Көпшілігі егіншілік және мал шаруашылығымен айналысады. Көл жағасында тұратындар балық аулайды. Егетін басты дақылы картоп, асырайтын малы түйе тақілетті лам — жүні асыл, таулы жерде жайлы көлік. Аймаралар қойды да көп өсіреді. Перу мен Чилиде тұратын аймаралар кен орындарында жұмыс істейді. Олар ерте замандардан бері алтын, күміс, мыс өңдеудің, әсіресе зергерлік өнердің шебері. Сан ғасырлық салт-дәстүрін жақсы сақтаған. Аймаралар католик дінін ұстанады.^[1]

1. ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том

Бұл мақаланы Уикипедия сапа талаптарына лайықты болуы үшін уикилендіру қажет.

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет.