ულუმპია ბატონიშვილი
ულუმპია ბატონიშვილი — ბაგრატ V-ის ასული მეორე მეუღლის, ანა კომნენოსისგან. გათხოვილი იყო სამეფოს ამირეჯიბზე, კახაბერ ჩიჯავაძეზე. შემორჩენილია მისი საბუთი (1399/1405), რომლითაც უკვე გარდაცვლილი მეუღლის მოსახსენებელ აღაპს ნიშნავს. დოკუმენტში ნათქვამია:
|
„ესე დაწერილი... [გ]კადრე... სუეტსა ღვთივ-აღმართებულსა... მე... დიდისა მეფეთ-მეფისა ბაგრატისა ასულმან და ყოველთა მეფეთა უწარჩინებულესისა მეფეთ-მეფისა გიორგის დამან ულუმპია და ჩემმან შვილმან საზუერელმან... შემოგწირეთ ჩიჯავაძის ამირეჯიბისა სულისა სააღაპოდ ხუედურეთს ბუკისძისეული მამული... და [თუ] თქვენ ქართლისა კათალიკოზმან ელიოზ კაცი დაასახლოთ ამას ბუკისძეულისა მამულსა ზედა, არავინ იყოს შემცილე, მეუნებლე მავნებელი და ყოვლისა საჩუენოისა საქმისა და საქუეყნოსა სათხოვარისაგან გამოსრული და განთავისუფლებული იყოს[1].“
|
ულუმპია ბატონიშვილს ჰყავდა ვაჟი, საზვერელ ჩიჯავაძე. მეუღლის გარდაცვალების შემდეგ მონაზვნად აღკვეცილა და სწორედ მაშინ უწოდებიათ მისთვის ულუმპია.
ლიტერატურა
[რედაქტირება | წყაროს რედაქტირება]- ივ. ჯავახიშვილი, ქართველი ერის ისტორია, ტ. III, თბ., 1966
- კირილ თუმანოვი, მეთხუთმეტე საუკუნის ბაგრატიონები (ფორდჰემის უნივერსიტეტი, ტრადიციო, ნაწ. 7, გვ. 169-221)
სქოლიო
[რედაქტირება | წყაროს რედაქტირება]- ↑ ივ. ჯავახიშვილი, ქართველი ერის ისტორია, ტ. III, თბ., 1966, გვ., 278