მასწავლებლის გლობალური ჯილდო

მასწავლებლის გლობალური ჯილდო
ჯილდო	1 მლნ დოლარი
წარადგენს	ვარკის ფონდი
ქვეყანა	არაბეთის გაერთიანებული საამიროები
პირველად გადაეცა	2015, ნენსი ათველი
ბოლოს გადაეცა	2020, რანჯიტსინჰ დისალი
მიმდინარე მფლობელი	რანჯიტსინჰ დისალი
globalteacherprize.org

მასწავლებლის გლობალური ჯილდო (ინგლ. Global Teacher Prize) — ყოველწლიური $1 მილიონი დოლარის ჯილდო რომელიც ორგანიზებულია ვარკის ფონდის მიერ და გაიცემა მასწავლებელზე, რომელმაც განსაკუთრებულ წვლილი შეიტანა პროფესიაში^[1][2][3]. მასწავლებლების ნომინაცია, რომლებიც შეესაბამებიან სპეციფიკურ კრიტერიუმებს ღიაა ყველასათვის მთელი მსოფლიოს მასშტაბით. მასწავლებლებს ასევე შეუძლიათ წარადგინონ თავიანთი თავი^[4]. ჟიურს წარმოადგენს მასწავლებლის გლობალური ჯილდოს აკადემია, რომელიც შედგება უფროსი მასწავლებლების, საგანმანათლებლო ექსპერტების, კომენტატორების, ჟურნალისტების, საჯარო მოხელეების, ტექნიკური მეწარმეების, კომპანიის დირექტორების და მეცნიერებისგან რომლებიც მსოფლიოს ყველა კუთხეს წარმოადგენენ^[4][5] .

ყოველწლიური ჯილდო დაიწყო განათლებისა და უნარების მეორე გლობალურ ფორუმზე 2014 წლის მარტში და პირველ კონკურსში შევიდა 5000 ნომინაცია 127 ქვეყნიდან^[6][7][8].

მასწავლებლის გლობალური ჯილდო, რომელსაც ჟურნალისტები მასწავლებლის პროფესიის ნობელის პრემიას ეძახიან^{[2][9][10][11]}, არა მარტო წარმოაჩენს და პატივს მიაგებს ამ პროფესიას, არამედ სათანადოდ აღიარებს იმ შრომას, რასაც მასწავლებლები ეწევიან მთელს მსოფლიოში^[12][13]. ვარკის ფონდის ხელმძღვანელი ამბობს:

	„ჩვენ გვსურს რეკლამა გავუკეთოთ მასწავლებლებს, როგორც ვარსკვლავებს და მხარი დავუჭიროთ ხარისხიან განათლებას იმისათვის რომ წარმოვაჩინოთ უზარმაზარი გავლენა რომელსაც მასწავლებლები ახდენენ ჩვენს ცხოვრებაზე.[14][15]“

2015 წლის მარტში მასწავლებლის პირველი, ყოველწლიური გლობალური ჯილდო გადაეცა ნენსი ათველს, ინგლისური ენის ინოვატორ მასწავლებელს მენის შტატის ერთ-ერთ სოფელში, აშშ. მან დააარსა და ხელმძღვანელობს სკოლას, სადაც მოსწავლეები კითხულობენ საშუალოდ 40 წიგნს წელიწადში, თვითონ არჩევენ რა წაიკითხონ და შემდეგ წერენ შემოქმედებითად^[9][10][16]. ათველმა გამოსცა ცხრა მეთოდოლოგიური წიგნი სწავლებაზე, მათ შორის ერთ-ერთის ნახევარ მილიონზე მეტი ასლი გაიყიდა^[16][17]. მან მთლიანდ შესწირა $1 მილიონი პრიზი მისი სკოლის სტიპენდიებს და განვითარებას. ეს არის არამომგებიანი ცენტრი სწავლა სწავლებისა, რომელიც ასევე წარმოადგენს სამოდელო სკოლას სასწავლო მეთოდების განვითარება-გავრცელებისათვის^{[10][16][18][19]}.

წელი	ქვეყანა	სახელი	პროფესია	სქოლიო
2015	მენი,  აშშ	ნენსი ათველი	ინგლისურის მასწავლებელი და ტრენერი
2016	რამალა,  პალესტინა	ჰანან ალ-ჰრუბი	პალესტინელი მასწავლებელი	[20]
2017	კვებეკი,  კანადა	მეგი მაკდონელი	ინუიტის მასწავლებელი	[21]
2018	ლონდონი,  ინგლისი	ანდრია ზაფირაკუ	ხელოვნების მასწავლებელი	[22][23][24][25]
2019	ნაკურუ,  კენია	პიტერ ტაბიჩი	მათემატიკისა და ფიზიკის მასწავლებელი	[26]
2020	მაჰარაშტრა,  ინდოეთი	რანჯიტსინჰ დისალი		[27]