ბიძინა ჩხეიძე

ბიძინა ჩხეიძე
დაბადების თარიღი	11 ივნისი, 1951 თბილისი
მოქალაქეობა	სსრკ  საქართველო
საქმიანობა	კინორეჟისორი
მშობლები	მამა: რეზო ჩხეიძე

ბიძინა ჩხეიძე (დ 11 ივნისი, 1951, თბილისი) — ქართველი მსახიობი, კინორეჟისორი, საქართველოს კინემატოგრაფისთა კავშირისა და საქართველოს ხელოვნების საერთაშორისო ფედერაციის წევრი.^[1] რეჟისორ რეზო ჩხეიძის შვილი.

დაამთავრა მოსკოვის საკავშირო სახელმწიფო კინემატოგრაფიის ინსტიტუტის (ВГИК) სადადგმო ფაკულტეტის სარეჟისორო განყოფილება (სერგეი გერასიმოვის და თამარა მაკაროვას სახელოსნო) 1979 წელს. 1972-1979 წლებში სწავლობდა შოთა რუსთაველის სახელობის თეატრალურ ინსტიტუტში.

გადაღებული აქვს ფილმები: „დები წყვდიადში“ (ტ/ფ, ფედერიკო გარსია ლორკას პიესის მიხედვით), „მჭედელი“, „არაჩვეულებრივი რეისი“, „ბატონი ავანტიურისტები“, „რივარესი“ (ფილმი-ბალეტი, ე. ვოინიჩის რომან „კრაზანას“ მიხედვით), „საბალეტო პა“ (რევაზ ინანიშვილის მოთხრობების მიხედვით). როგორც მსახიობი, მონაწილეობს ფილმებში: „ღიმილის ბიჭები“, „გოლა“, „მაცივარში ვიღაც იჯდა“, „ჩემი ძვირფასი საყვარელი ბაბუ“, „გაჭედილები“ და თითქმის ყველა თავისივე გადაღებულ ფილმში.

• 1969 — „ღიმილის ბიჭები“ — ბეთჰოვენა (რეჟ. რეზო ჩხეიძე)
• 1980 — „გოლა“ (რეჟ. გიორგი მატარაძე),
• 1983 — „მაცივარში ვიღაც იჯდა“ — მერაბი (რეჟ. გუგული მგელაძე)
• 1995 — „შვეციის პრინცი იმერეთიდან“ — პოლიციელი (რეჟ. ერმალო მაღრაძე)
• 1998 — „ჩემი ძვირფასი, სანატრელი ბაბუ“ — კაცი ზაპოროჟეცით (რეჟ. პავლე ჩარკვიანი)
• 2003 — „გაჭედილები“ (რეჟ. გუგული მგელაძე)
• 2013 — „გზააბნეულნი“ — ბიძინა (რეჟ. ერმალო მაღრაძე)

• ბიძინა ჩხეიძე — საქართველოს ბიოგრაფიული ლექსიკონი
• ბიძინა ჩხეიძე — ეროვნული ფილმოგრაფია
• ბიძინა ჩხეიძე — კინოფილმების ინტერნეტ მონაცემთა ბაზა (ინგლისური)