Yagan

Yagan (pocapan jroning basa Inggris /ˈjeɪɡən/) (sakiwa-tengené 1795 – 11 Juli 1833) ya iku sawijining pejuang Aborigin Australia saka suku Noongar kang mainake peranan wigati ana ing mangsa perlawanan penduduk pribumi Australia marang pemukiman lan pendudukan Britania Raya ing Perth, Australia Kulon.^[1] Sawisé Yagan dadi pemimpin ana ing sapérangan perampokan ing kawasan pedésaan, pihak pamaréntah nawakake bebungah dhuwit kanggo kang bisa nyekel Yagan, urip utawa mati.^[1] Sawijining warga pendatang sukses nembak lan matèni yagan.^[1] Ana ing carita rakyat Australia kulon, eksekusi Yagan nglambangaké perlakuan para pendatang kolonial marang wong pribumi kang ora adil lan kadang-kadang uga bisa dijenengi kejem.^[1] Misuwur ana ing Australia, Yagan dadi salah siji pahlawan kanggo wong-wong suku Noongar.^[1] Sirahé Yagan dipenggal kanggo diijolaké karo bebungah dhuwit kang ditawakake déning pamaréntah.^[1] Salah siji pejabat pamaréntah banjur ngawa Sirahé yagan menyang London, Inggris lan Sirah mau banjur dipamêraké dadi salah siji "objek antropologi kang narik kawigatên".^[1] Sirahé yagan banjur disimpen suwé sadurungé dikuburaké ana ing Kutha Liverpool nalika taun 1964.^[2] Suku Noongar njaluk marang pamaréntah ingris kanggo mbalekake Sirahe Yagan marang kulawarga Suku Noongar, amarga agama lan status Yagan kang wigati ana ing kbudayaan Noongar.^[1] Taun 1993 kuburane Yagan bisa tinemu lan patang taun sabanjuré Sirahe Yagan banjur dijupuk lan dibalekake menyang Australia.^[1] Wiwit saka iku banjur warga Perth debat mengenani cara paling apik kanggo kepala Yagan kanthi hormat, lan ing sasi Juli 2010 Banjur Sirahe Yagan dikubur ana ing sawijining upacara tradhisional ing Australia Kulon, ya iku 177 taun sawisé Yagan mati.^[1]