Peter Perez Burdett
| Peter Perez Burdett | |
|---|---|
 "Head of a Man"-satunggal saking karya seni nalika Burdett dados modhèl. | |
| Lair | sakiwa-tengené 1734 Eastwood[1] |
| Pati | 9 September 1793[1] Karlsruhe |
| Bangsa | Inggris |
| Pakaryan | Ingkang damel peta, Seniman |
| Bojo | 1. Hannah 2. Friederike Kotkowski[1] |
| Anak | Anna Periez(sic) Burdett m. Friedrich Gf v Nostitz-Rieneck |
| Wong tuwa | William lan Elizabeth Burdett[2] |
Peter Perez Burdett (prakiraan wiyos 1734 – 9 September 1793) punika satunggaling kartografi (ingkang damel peta), surveyor, seniman, lan penggambar tèhnik ingkang asalipun saking Eastwood. Ing Essex piyambakipun marisi griya ingkang alit kanthi nama Perez saking nama asal simbahipun ingkang dados pelayan gréja wonten ing mriku.[2].
Peter Perez Burdett kondhang amargi tampilanipun ing sapérangan lukisan Josep Wright. Nanging piyambakipun ugi wonten gegayutanipun kaliyan sapérangan proyek kalebet survei ing jalur utami kanggé proyek ageng saking révolusi indhustri, inggih punika Kanal Leeds lan Liverpool taun 1769. Piyambakipun dipunsebat minangka "manawi boten wonten ing pusat paling boten ing penumbra saking Lunar Society Birmingham".[3] Piyambakipun nelasaken gesang ing Karlsruhe nyingkiri para penagih utang nanging taksih sregep ing pakempalan Jerman. Laré èstri Jermanipun krama kaliyan Count (pangeran).
Biografi
[besut | besut sumber]Burdett wiyos ing taun 1734 utawi 1735 ing Eastwood, Essex, putra saking William lan Elizabeth Burdett. Sekedhik babagan masa enèmipun dumugi Burdett kepanggih kaliyan Joseph Wright nalika wiwitan taun 1760-an lan piyambakipun nyambut arta kanggé damel peta.[4]. Burdett punika modhèl kanggé sapérangan lukisan Wright lan piyambakipun pikantuk bathi saking kekancan punika kanggé masalah arta.[4] Sekitar taun 1766 Wright nglukis A Philosopher Giving that Lecture on the Orrery, in which a Lamp is put in place of the Sun (kadang dipunsingkat dados The Orrery). Lukisan nggambaraken kuliah umum babagan sistem tatasurya mawi lampu ingkang dipunsukakaken wonten ing posisi srengéngé nerangi lumah orrery lan praupan ingkang mirsani. Konsisten kaliyan tema astronomi, praupan ingkang dipunpadhangi sapérangan ugi nedahaken fase bulan. Tiyang ing sisih kiwa saking filsuf cetha kaindentifikasi minangka Burdett déné tiyang jaler ing sisih tengen prakiraan punika Washington Shirley, the Earl of Ferrers lan Burdett manggèn sesarengan wonten ing Staunton Harold celak kaliyan Leicestershire. Earl kados déné Burdett remen marang kawruh lan gadhah lukisan punika. Ing taun 1767 Peter Perez Burdett damel peta Derby mawi skala 1 inci banding 1 mil. Kanthi peta punika Burdett dados dipunakoni ingkang kasil angka kalih saking tantangan ingkang dipundamel déning Society of Art taun 1759 babagan sinten kemawon ingkang saged damel peta kaunti mawi skala mau..[5] He produced the aquatint Two Boys Blowing a Bladder by Candle-light.[6]
Karlsruhe
[besut | besut sumber]Taun 1774 Peter Perez Burdett nilaraken Liverpool kanggé nyingkiri para penagih utang lan mlebet ing wewengkon Charles Frederick, Adipati Baden.[7] Peter Perez Burdett mbeta lukisan piyambakipun lan garwa nanging tilaraken garwanipun kanggé ngadepi para penagih utang. Lukisan Burdett lan garwanipun sapunika wonten ing Gladri Nasional ing Praha. Lajeng dipunpameraken wonten ing Liverpool. Kaping kalih lukisan punika katingal ing Inggris wiwit saking dipunbeta Burdett nilaraken Liverpool ing abad kaping 18. Peter Perez Burdett séda wonten ing Karlsruhe tanggal 9 September 1793.
Karya ageng
[besut | besut sumber]- Peta survei Derbyshire dipundamel déning Peter Perez Burdett (1762-1767)
- Two Boys Blowing a Bladder by Candle-light. Satunggaling lukisan akuatin bibar Joseph Wright[6]
Cathetan suku
[besut | besut sumber] |
Wikimedia Commons duwé médhia ngenani Peter Perez Burdett. |
- ↑ a b c "Karlsruhe (di Jerman)". Diarsip saka sing asli ing 2012-08-03. Dibukak ing 2013-03-19.
- ↑ a b Oxford Dictionary of National Biography
- ↑ [Taking Notes on the Left’: The Shadowy Career and Thwarted Ambitions of Peter Burdett], Paul Laxton, UoL, Eighteenth-Century Worlds Research Centre (University of Liverpool) & Walker Art Gallery (NML), 16-17 November 2007, Merseyside Maritime Museum, Liverpool
- ↑ a b Liverpool Museums[pranala mati permanèn]
- ↑ "Burdett's map of Derbyshire 1767". A History of the World in 100 Objects. BBC.co.uk.
- ↑ a b Timeline of art History[pranala mati permanèn]
- ↑ "The Papers of Benjamin Franklin". Diarsip saka sing asli ing 2011-07-21. Dibukak ing 2013-03-19.