Osteoarthritis

Cithakan:Infobox lelara Osteoartritis (OA, kaloka uga minangka artritis degeneratif, lelara degeneratif sendhi), yakuwi kondisi nalika sendhi krasa nyeri akibat saka inflamasi ringan kang timbul saka anané gèsèkan pucuking balung panyusun sendhi.

Sajeroning sawijining sendhi, jaringan balung enom (basa Indonésia: balung rawan) kang biyasa ingaran kanthi jeneng ‘’kartilago’’ lumrahé nutup pucuking balung panyusun sendhi. Sawijining lapisan cuwèran kang ingaran cuwèran sinovial dumunung antarané balung-balung mau lan tumindak minangka bahan pelumas kang nyegah ujung-ujung balung mau gèsèkan lan silih ngikis antara siji lan sijiné.

Sajeroning kondisi kakurangan cuwèran sinovial lapisan kartilago kang nutup ujung balung bakal gèsèkan siji lan sijiné. Gèsèkan mau bakal agaw’e lapisan mau tansaya tipis lan wusanané bakal nimbulaké rasa nyeri.

Saben wong mesthi naté ngalami nyeri sendhi. Masarakat awam lan malahan sawatara dhokter (kanthi keliru) langsung nganggep disebabaké déning rematik utawa asem urat.Sapérangan manèh mikir akibat osteoporosis. Nanging nyatané jalaran utama nyeri sendhi (mligi kang dialami déning kang umur punjul 45 taun) yakuwi osteoartritis. Panyebab osteoartritis warna-warna. Sawetara panelitèn nuduhaké anané gayutan antara osteoarthritis karo reaksi alergi, infeksi, lan invasi fungi (mikosis). Riset liya uga nuduhaké anané faktor katurunan (genetik) kang terlibat sajeroning panurunan lelara iki. Sawetara faktor risiko dumadiné osteoartritis yakuwi:

• Wanita umur punjul 45 taun
• Kaluwihan bobot
• Aktivitas fisik kang kakèhan, kaya déné para olahragawan lan pekerja kasar
• Kelemahan otot pupu
• Naté ngalami patah balung ing saubengé sendhi kang ora dirawat kanthi bener

Rasa nyeri kang diderita déning pendherita lelara iki bisa dikurangi nganggo manéka cara kaya pengomprèsan utawa panyuntikan cuwèran sinovial ing pérangan sendhi. Pangobatan tumrap pengapuran sendhi béda-béda gumantung stadiumé.

terapi non obat antarané:

• mudhunaké bobot awak tumrap kang keluwihan
• latihan nguataké otot pupu lan pinggul kanggo njaga kebugaran awak
• nganggo knee brance samangsa diperlokaké

terapi obat antarané:

• obat antiradang lan nyeri
• suplemen kanggo nuwuhaké balung enom
• obat pelumas sendhi kang disuntikkan menyang sendhi

Pilihan pangobatan paling apik yakuwi operasi penggantian sendhi. Operasi penggantian sendhi yakuwi operasi kang diayahi kanggo ngganti sendhi kang wis rusak nganggo prostesis.

Pencegahan osteoartritis bisa diayahi kanthi cara konsumsi makanan kang kebak gizi.Sawetara suplemen panganan uga bisa dipigunakaké kanggo nyegah lelara iki. Sawetara suplemen kang umum dipigunakaké antarané glukosamin lan kondroitin.

Glukosamin iku molekul gula amino kang biyasa ana ing kulit krustasea (ulang-ulangan), artropoda, lan dhindhing sèl cendawan. Ing Indonésia, glukosamin bisa dijupuk langsung saka suplemen panganan komersial utawa ombènan susu tersuplementasi.

Kondrotin iku suplemen panganan kang biyasa dipigunakaké bebarengan karo glukosamin. Kondroitin iku wujud senyawa rantai gula mawa cawang kang nyususun balung rawan. Ing Indonésia, kondroitin bisa dijupuk langsung saka suplemen panganan.

• Cartilage Health {The Cartilage Health Website provides accessible information for anyone wanting to learn more about the prevention, repair and rehabilitation of articular cartilage injury.}
• Osteoarthritis Archived 2015-01-07 at the Wayback Machine. The Arthritis Foundation
• Arthritis Care major UK charity
• Osteoarthritis fact and fiction Archived 2008-12-23 at the Wayback Machine. at osteoarthritisoa.com
• WebMDHealth: Osteoarthritis Basics at WebMD
• MedicineNet.com: Osteoarthritis at medicinenet.com
• MedlinePlus: Osteoarthritis at National Institutes of Health
• Osteoarthritis Clinical Trials Resource Archived 2020-11-23 at the Wayback Machine. at oatrial.com
• Overview Archived 2009-07-22 at the Wayback Machine. at University of Maryland
• [1] Archived 2010-09-22 at the Wayback Machine. (Physician submitted articles) - research based arthritis articles by physicians at arthritismd.com
• Focuses on living with arthritis with links to support groups in 16 different countries Archived 2009-09-21 at the Wayback Machine. at paremanifesto.org
• BBC Coverage of Autologous Chondrocyte graft in UK
• UK Health Charity covers Autologous Chondrocyte grafts Archived 2007-09-28 at the Wayback Machine.

Cithakan:Lelara-stub