Kotiledon

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa.

Kotiledon (ingaran uga kotil utawa godhong lembaga) iku bakal godhong sing kadhapur ing embrio. Kotiledon minangka organ cadhangan makanan sajeroning wiji saklompok tetuwuhan, sisan organ fotosintetik pisanan sing didarbèni déning tetuwuhan sing nembé ngecambah. Sanajan kanggoné kecambah organ iki duwé fungsi kaya godhong, kotiledon ora duwé anatomi sing pepak kaya godhong sajati.

Wiji sing nyimpen cadhangan panganan ing kotiledon tumrap kecambah ingaran minangka wiji kotiledonik. Ing tetuwuhan kanthi wiji kotiledonik, kotiledon wis kadhapur wektu tetuwuhan isih ing sajeroning wiji (embrio utawa lembaga). Sing kagolong tetuwuhan kaya iki umpamané saka suku polong-polongan (Fabaceae) lan suku kubis-kubisan (Brassicaceae).