Foton

Foton yaiku partikel elementer ana ing fenomena elektromagnetik.^[1] Biasane foton dianggep sing ngawa radiasi elektromagnetik, kaya cahya, gelombang radio, lan Sinar-X.^[1] Foton béda karo partikel elementer liyané kaya elektron lan quark, amarga foton ora duwé bobot lan ana ing ruang vakum foton bisa obah karo kecepatan cahya, c.^[1] Foton duwé sipat gelombang lan partikel ("dualisme gelombang-partikel").^[1] Ana ing ngèlmu fisika, Foton (saka basa Yunani φως, ykang tegesé cahya) yaiku kuantum saka medan elektromagnetik lan salah siji partikel dhasar kang disinauni ing elektrodinamika kuantum (QED, Inggris: Quantum Electrodynamics) pérangan tuwa dhéwé saka Model Standar fisika partikel.^[1] Awujud gelombang, siji foton tunggal nyebar ana ing kabèh ruang lan nuduhake fenomena gelombang kaya pembiasan lensa lan interferensi destruktif nalika gelombang dipantulake lan musnahake siji karo sijiné^[1] Dadi partikel, foton mung bisa interaksi karo materi mindahke ènergi sakjumlah:

${\displaystyle E={\frac {hc}{\lambda }}}$,

tegesé yaiku ${\displaystyle h}$ yaiku konstanta Planck, ${\displaystyle c}$ yaiku laju cahya, lan ${\displaystyle \lambda }$ yaiku dawa gelombange.^[2][3] Saliyané ènergi partikel foton uga nggawa momentum lan duwé polarisasi.^[2] Foton matuhi hukum mekanika kuantum, kang tegesé yaiku besaran-besaran saka foton sok ora bisa diukur kanthi pas.^[2] Biasane besaran-besaran sak foton dijabarake dadi probabilitas ngukur polarisasi, posisi, utawa momentum.^[2] Tuladhané yaiku foton kang bisa ngeksitasi salah siji molekul, sok ora bisa ngramalake sadurungé, molekul endi kang arep kena reksitasi.^[2]

Artikel fisika iki minangka artikel rintisan. Kowé bisa ngéwangi Wikipédia ngembangaké. d r b