Hiroshima Peace Memorial

Artikel iki prelu dirapèkaké supaya jumbuh karo wewaton artikel Wikipédia Panjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak.

Monumen Bedhamèn Hiroshima utawi ingkang misuwur minangka Genbaku Dome (原爆ドーム, Genbaku Dome^?) (Atomic Bomb Dome) inggih punika minangka yasan monumen ingkang dumunung ing pusat kutha Hiroshima, Prefektur Hiroshima, Jepang. Monumen ingkang awujud sapérangan gedung ingkang kasisa akibat jeblugan bom atom minangka salah satunggaling Situs Warisan Donya UNESCO wiwit taun 1996. Monumen minangka simbol pangareping umat manungsa saperlu perdamaian ing donya lan ngilangaken senjata nuklir.^[1]

Monumen Bedhamèn Hiroshima dumunung ing salabeting Taman Monumen Bedhamèn Hiroshima ingkang dumunung ing sisih kreteg Aioi ingkang wujud huruf T.^[2] Wonten ing sisih kidul wonten kali Motoyasu, ing sisih lèr wonten jalur trem wonten ing kutha Hiroden, stasiun trem ingkang nama Genbaku Dome-mae lan stadion baseball ingkang minangka homebase tim baseball Hiroshima Carp. Sakitar 200 mèter ing sisih wétan wonten griya sakit Shima-byōin ingkang minangka hiposenter jeblugan nuklir. ^[3]

Wangunan kanthi gaya Arsitektur Barok kacampur kaliyan detail ornamén kanthi gaya obahan seni Art Nouveau Wina (Vienna Secession). Perancang déning arsiték saking Ceko ingkang nama Jan Letzel. Wangunan kanthi tingkat tiga kanthi sapérangan gedung kasungsun saking 5 tingkat lan lanté ngandhap tanah.^[4]

Pembangunan pungkasan nalika tanggal 5 April 1915 lan dipunresmikaken minangka Gedung Pameran Produk Industri Prefektur Hiroshima nalika tanggal 5 Agustus taun ingkang sami. Nalika taun 1921, nama gedung digantos dados Gedung Pameran Produk Perdagangan Prefektur Hiroshima. Nalika taun ingkang sami ugi, (1921), gedung dados papan dipunadani Festival Nasional Kue Tradisional lan Permen ingkang kaping 4. Nalika taun 1933 nama gedung digantos malih dados Gedung Promosi Industri Prefektur Hiroshima. Kajawi punika, gedung punika kathah dipunmanfaataken saperlu paméran barang-barang seni saéngga dipunanggep gadhah jasa babagan ndhérék misuwuraken kesenia ing Hiroshima.^[5]

Sakitar taun 1944, gedung boten malih dipunanggé minangka papan promosi produk Hiroshima, nanging dipundadosaken gedung Kantor Pekerjaan Umum wewengkon Chugoku lan Shikoku ingkang wonten ing sangandhapipun Kementerian Dalam Negeri lan kantor perusahaan swasta ingkang ébah ing babagan perkayuan lan kantor administrasi tlatah.

Nalika tanggal 6 Agustus 1945 tabuh 08:15 énjing, bom atom ingkang nama Little Boy njeblug ing akasa kanthi inggil 580 mèter sanginggilipun lemah, ing nginggil lokasi ingkang dumunung sakitar 200 mèter sisih tenggara gedung. Sakitar 30 punggawa lan tiyang ingkang wonten ing salebeting gedung sadaya séda. Namung satunggal punggawa ingkang slamet, inggih punika tiyang penjaga malam ingkang kondur ing griya kanthi sepédha sakitar jam 08:00 énjing.^[6]

• Genbaku Dome, Asahi Shimbun kantor cabang Hiroshima, Asahi Bunko, 1998. ISBN 4-02-261235-5

Wikimedia Commons duwé médhia ngenani Monumen Bedhamèn Hiroshima.