Beyoncé (plata)

Beyoncé
Kápan á stöðluðu útgáfunni
Breiðskífa eftir Beyoncé
Gefin út	13. desember 2013 (2013-12-13)
Tekin upp	2012-2013
Hljóðver	Ýmis Fetalmaus Jungle City Studios MSR Studios Oven Studios Sterling Sound Studios (New York-borg) Kings Landing (The Hamptons, New York) Mirrorball Entertainment Westlake Recording Studios (West Hollywood, Kalifornía) Russell's of Clapton (London) Tritonus (Berlín) Trackdown Digital (Sydney)
Stefna	Raf-R&B[1]
Lengd	66:35
Útgefandi	Parkwood Columbia
Leikstjóri	Beyoncé Jonas Åkerlund Ed Burke Francesco Carrozzini Pierre Debusschere Bill Kirstein @lilinternet Melina Matsoukas Jake Nava Terry Richardson Ricky Saiz Todd Tourso Hype Williams
Stjórn	40 Ammo Beyoncé Boots Detail J-Roc Caroline Polachek Ryan Tedder The-Dream The Order Timbaland Justin Timberlake Key Wane Pharrell Williams
Tímaröð – Beyoncé
4 (2011) Beyoncé (2013) Beyoncé: Platinum Edition (2014)
Smáskífur af Beyoncé
„XO“ Gefin út: 16. desember 2013 „Drunk in Love“ Gefin út: 17. desember 2013 „Partition“ Gefin út: 25. febrúar 2014 „Pretty Hurts“ Gefin út: 10. júní 2014

Beyoncé (oft stílfært í hástöfum) er fimmta breiðskífa bandarísku söngkonunnar Beyoncé. Platan var gefin út skömmu eftir miðnætti þann 13. desember 2013 af Parkwood Entertainment og Columbia Records algjörlega óvænt. Platan var þróuð sem sjónræn hljómplata þar sem hverju lagi fylgir stuttmynd sem sýnir þær hugmyndir sem voru hugsaðar við framleiðslu tónlistarinnar. Löngun Beyoncé til að staðfesta fullt listrænt frelsi sitt þjónaði sem innblástur fyrir myrku og persónulegu viðfangsefni plötunnar sem innihéldu femínísk þemu um kynlíf, einkæri, fegurðarstaðla, sambandsvandamál og gagnrýni á kapítalisma. Platan var gefin út á föstudegi, sem stangaðist á við hina hefðbundnu þriðjudagsútgáfu sem tíðkaðist á þeim tíma. Beyoncé, og útgáfa hennar, er oft sögð hafa fundið upp nútíma skilgreininguna á sjónrænni hljómplötu, gert óvænta útgáfu á plötum vinsæla meðal tónlistarfólks og að hafa valdið því að International Federation of the Phonographic Industry (IFPI) breytti vikudeginum þegar tónlist er gefin út um allan heim úr þriðjudegi í föstudag.

Upptökur plötunnar hófust í New York-borg þegar Beyoncé bauð upptökustjórum og lagahöfundum að búa með sér í mánuð. Á meðan hún var í stóru tónleikaferðalagi árið eftir breyttist platan þar sem hún sá fyrir sér að skapa sjónrænan hluta til að fylgja lögunum og hélt áfram upptökum með rokktónlistarmanninum og raftónlistar-upptökustjóranum Boots. Samstarf þeirra leiddi til tilraunakenndara efnis hljóðfræðilega, sem sameinaði nútíma R&B með raftónlist og sálartónlist. Á þessu tímabili voru lög og myndbönd plötunnar samin í algjörri leynd vegna þess að Beyoncé vildi óvænta útgáfu á efninu.

Beyoncé var gefin út á stafrænu formi á iTunes Store án tilkynningar eða kynningarherferðar og fór beint á toppinn á bandaríska Billboard 200 vinsældalistanum, og varð fimmta breiðskífa Beyoncé í röð til að ná efsta sæti vinsældalistans. Platan seldist í yfir 617.000 eintökum í Bandaríkjunum og 828.773 á heimsvísu fyrstu þrjá dagana, og varð sú plata sem hafði selst hraðast á iTunes Store á þeim tíma.^[2] Á þeim 19 dögum frá útgáfu plötunnar til ársloka 2023 seldist Beyoncé í 2,3 milljónum eintaka um allan heim og endaði árið sem tíunda söluhæsta plata ársins á heimsvísu samkvæmt International Federation of the Phonographic Industry (IFPI).^[3] Platan var endurútgefin í nóvember 2014 í platínuútgáfu og hefur selst í yfir 5 milljónum eintaka um allan heim. Hluti plötunnar var kynntur á The Mrs. Carter Show World Tour tónleikaferðalaginu árið 2014.

Beyoncé fékk víðtækt lof frá tónlistargagnrýnendum við útgáfu sem hrósuðu upptökustjórninni, hvernig hún kannaði kynhegðun, sönghæfileikum, auk óvæntrar útgáfu hennar sem margir aðrir tónlistarmenn fóru að gera í kjölfarið.^[4] Árið 2020 var Beyoncé í 81. sæti á lista Rolling Stone yfir „500 bestu plötur allra tíma“.^[5]

Lagalisti stöðluðu útgáfu plötunnar:

1. „Pretty Hurts“
2. „Haunted“ (inniheldur falið lag: „Ghost“)
3. „Drunk in Love“ (ásamt Jay-Z)
4. „Blow“
5. „No Angel“
6. „Partition“ (inniheldur falið lag: „Yoncé“)
7. „Jealous“
8. „Rocket“
9. „Mine“ (ásamt Drake)
10. „XO“
11. „Flawless“ (ásamt Chimamanda Ngozi Adichie)
12. „Superpower“ (ásamt Frank Ocean)
13. „Heaven“
14. „Blue“ (ásamt Blue Ivy)

Fyrirmynd greinarinnar var „Beyoncé (album)“ á ensku útgáfu Wikipedia. Sótt 8. maí 2023.