Sahel

Sahel esas ekologiala, klimatala e geografiala regiono di transito inter dezerto Sahara norde e la savano, sude de ol. Havanta mi-arida klimato, Sahel iras de Atlantiko adweste, til Reda maro este, ed inkluzas regioni norde de Senegal, sude de Mauritania, centre de Mali, norde de Burkina Faso, sude de Aljeria, Nijer, norde de Nigeria, norde de Kamerun e Centrafrika, la centro di Chad, la centro e la sudo di Sudan, la nordo di Sud-Sudan, Eritrea e la nordo di Etiopia. Ol kovras entote cirkume 3 milion km², e kovras cirkume 5900 kilometri di extenso.

Lua topografio ordinare esas plana, e l'altitudo en la regiono varias de 200 til 400 metri. La mezavalora pluvo-quanto yarala varias de 100 til 200 milimetri norde de Sahel, til 700 mm til 1000 mm sude de la regiono. Lua vejetantaro ordinare konsistas ek arbusti e graminii. Akacii e baobabi, arbori rezistanta a sikeso nam li povas konservar aquo, anke povas trovesar en ca zono.