Rumba

Rumba esas vorto qua nun referas diferanta muzikala stili sen relati l'unu kun l'altru, ed anke referas specifika danso-stilo. Komence, "rumba" signifikis "festo" en nordal Kuba, ma dum la 19ma yarcento ca vorto komencis nomizar specifika muzikala stili sekulara konocata nun kom "rumba Kubana". De la komenco dil 20ma yarcento ca vorto uzesas en multa diferanta landi por referar diferanta stili di muziko ed anke danso, qui multafoye rimemorigas nur tangente, o mem havas nula simileso kun l'originala Kubana stilo.

En Latin-Amerika, la vorto "rumba" ordinare relatas Kubana muziko, ma anke dum la 20ma yarcento, ol influis la danso flamenco, e la vorto uzesis por nomizar specifika palo (stilo) inspirita en la guaracha Kubana. La muziko de Kuba anke populareskis en Afrika ed influis lokala stili. De ca mixuro originis, dum la yari 1930a, tale nomizita "Kongoana rumba", qua uzas gitaro, kontrabaso, perkut-instrumenti, latuna instrumenti, ed ordinare kantesas en idiomo Lingala.

Dum la yari 1980a, la stilo konocata kom "Kataluniana rumba" populareskis kun Franca muzikala grupo Gipsy Kings.