Robert Castelló
| Robert Castelló | ||
| ||
| Profesiono: | Esperantisto ed Idisto | |
| Lando: |  Hispania
| |
| Naskodato: | 1913 | |
| Nasko-loko: | Katalunia | |
| Mortodato: | 26 di agosto 1998 | |
| Morto-loko: | Andora | |
Robert Castelló (n. ye la 30ma di novembro 1913 til la 26ma di agosto 1998) esis hispan Esperantisto ed Idisto. Ilu naskis en Katalunia e parlernis l'internaciona linguo ido dum la yari 1920a. Ante l'interna civila milito en Hispania (1936-1939), il kunlaboris kun l'anarkiista movado. En la komenco dil milito il sendis letri al idista revui por postular la sokurso dil movemento idista por la republikala guvernerio en Hispania. Anke, dum la milito il kontaktis la volontarii dil Internaciona Brigadi, stranjeri qui venis aden Hispania por sokursar al republikala guvernerio. Pos la milito il restis en Hispania e helpis kelka idisti fugar su ek Hispania.
En la yaro 1975 il esis reprezentero dil Uniono por la Linguo Internaciona Ido - ULI - en Hispania, e dum la lasta yari di sua vivo il translojis sua hemo aden Andora, mikra lando en la mezo dil Pirenei, inter Francia e Hispania. Ibe, il esis Ido-reprezentero di ULI-IDO en Andorra la Vella til lua morto, ye la 26ma di agosto 1998. Dum ta yari il esis paralizita e ne povis voyajar, do il kontaktis l'extera mondo per konstanta korespondado en diversa projet-lingui, inter altri Ido.
Ilu donis lua arkivo a la Muzeo di Esperanto en Subirats, Katalunia.