Maurice Georges Dantec

Maurice Georges Dantec
Profesiono:	skriptisto
Lando:	Francia
Naskodato:	13 di junio 1959
Nasko-loko:	Grenoble, Francia
Mortodato:	25 di junio 2016
Morto-loko:	Montréal, Kanada

Maurice Georges Dantec, n. ye la 13ma di junio 1959 til la 25ma di junio 2016, esis Franca skriptisto. Ilu deskriptis lua romani kom «kurso pri transvivo en la postmoderna mondo».

De familio komunista, kun patro jurnalisto e matro sutisto,^[1] ilu edukesis en Ivry-sur-Seine, la «reda suburbo» de Paris. Evanta kin yari, du violentoza astmo-krizi vekigis en lu morbala angoro, quan ilu pose probis kalmigar tra uzado di drogi.

En 1971, ilu eniris lycée Romain-Rolland, ube ilu konocis Jean Bernard Pouy, pose kreinto di Le Poulpe, qua atencigis lu pri lora Usana literaturo pri krimini. Balde, Maurice divenis anke fervoroza lektero di Nietzsche e Gilles Deleuze. Dum la fino dil yari 1970a, ilu debutis studiar pri moderna literaturo, qua abandonis rapide por fondar rock-grupo nomizita France «État d'urgence». Dum la yari 1980a ilu duris lua muzikal aventuri. Proxim la komenco dil yari 1990a ilu divenis skriptisto, e lua unesma romano, la reda sireno, lansita en 1993, superiris la maxima nombro di pagini ordinare permisita en lua kontrato. Lor ilu ganis tale nomizita "Premio 813", pri maxim bona policala romano.