Lausanne
| Lausanne | ||
| ||
| Kelk imaji pri Lausanne. | ||
| ||
| Blazono | ||
| Lando: |  Suisia
| |
Informo:
| ||
| Latitudo: | 46°31'N | |
| Longitudo: | 6°38'E | |
| Altitudo: | 495 m | |
| Surfaco: | 41.38 km² | |
| Habitanti: | 138905 (2017) | |
| Denseso di habitantaro: | 3400 hab./km² | |
| Horala zono: | UTC+1 (UTC+2 dum la somero) | |
| Urbestro: | Grégoire Junod (SPS/PSS) | |
 • Lausanne | ||
Oficala retosituo:
| ||
| http://lausanne.ch | ||
Lausanne (pronuncez [Lozan]) esas urbo an la sud-westo di Suisia, e chef-urbo di kantono Vaud. Segun statistiki dil yaro 2017 ol havis 138 905 habitanti. Lua tota surfaco esas 41,37 km². Jacanta apud lago Léman, plu rare konocata kom lac de Genève, Lausanne esas la 4ma maxim populoza urbo di Suisia, dop Zürich, Genève e Basel. Ol distas 62 km de Genève, e la du urbi formacas metropolala regiono kun plu kam 1,2 milion habitanti en 2000.
Lausanne esas la sideyo dil Internaciona Olimpiala Komitato pos la yaro 1915, ed anke di la Korto pri Sportala Arbitrado e di 55 sportala asociuri internaciona.[1] La politeknikoskolo École Polytechnique Fédérale de Lausanne konsideresas un ek la maxim bona fakultati pri teknologio de la mondo. L'universitato di Lausanne fondesis en 1537 kom skolo pri teologio, ante divenir universitato en 1890. Ol havas cirkume 13.500 studenti, di qui 1.500 esas stranjeri. En lua vicineso jacas regiono importanta por la produktado di vino.
Geografio
[redaktar | redaktar fonto]
La reliefo di Lausanne esas kolinoza, jacanta apud la rivi di lago Genève sude, e taludi de Suisa platajo norde. Lua mezavalora altitudo esas 526 metri, e lua maxim alta punto esas Montagne du Château, kun 935 metri super la marala nivelo.
La klimato di Lausanne esas varma e temperema (Cfb segun la klimatala klasifikuro da Köppen). La mezavalora temperaturo en januaro esas 2,7°C, kontre ke la mezavalora temperaturo en julio esas 20,5°C. La mezavalora yarala temperaturo esas 11,3°C.
La mezavalora yarala pluvo-quanto dil urbo esas 1132 mm, e la maxim pluvoza monato esas oktobro, kun mezavalore 111 mm. Omnayare, pluvas o nivas mezavalore dum 119,7 dii, e ne existas sika monati. Povas nivar dum kelka dii, de decembro til februaro (vintro), esanta februaro la maxim nivoza monato.
Referi
[redaktar | redaktar fonto]- ↑ Kucera, Andrea:Lausanne – Hauptstadt des Sports Nomo di la publikigo: NZZ. Dato di publikigo: 28ma di aprilo 2015. URL vidita ye 28ma di aprilo 2015.