Galeon ti Manila
Dagiti Galeon ti Manila (Espaniol: Galeón de Manila, Tagalog: Kalakalang Galyon ng Maynila at Acapulco) ket dagiti paglayagan a bapor ti Espaniol a nagaramid kadagiti naminsan wenno namindua a napno a panaglayag iti tunggal maysa a tawen iti ballasiw ti Taaw Pasipiko manipud iti puerto ti Acapulco (agdama nga aldaw a Mehiko) aginggana iti Manila idiay Filipinas nga isuda a dua ket parte idi ti Baro nga Espania. Nabaliwan ti nagan ti galeon tapno maipaltiing ti siudad a nagtaudan a naglayagan ti bapor.[1] Ti termino dagiti Galeon ti Manila ket inus-usar pay a mangibaga ti dalan ti panagtagilako a nagbaetan ti Acapulco ken Manila a nagpaut manipud idi 1565 aginggana idi 1815.
Dagiti Galeon ti Manila ket ammo pay dagitoy iti Baro nga Espania a kas "La Nao de la China" (Ti Bapor ti Tsina) gapu ta daytoy ket nagawit kadagiti tagilako ti Insik a naipan manipud iti Manila.[2]
Ti dalan ti panagtagilako ti Galeon ti Manila ket nairugi idi 1565 kalpasan idi ti Augustiniano a prayle ken nabigador a ni Andrés de Urdaneta ket naduktalanna ti tornaviaje wenno pagsublian a dalan manipud iti Filipinas a mapan iti Mehiko. Dagiti immuna a balligi a napno a panaglayag ket inaramid idi babaen ni Urdaneta ken babaen ni Alonso de Arellano iti dayta a tawen. Ti dalan ket nagpaut aginggana idi 1815 idi ti Gubat ti Mehikano ti Wayawaya ket nangipatingga ti panagtengngel ti Espania kadagiti puerto ti Mehiko. Dagiti galeon ti Manila ket naglayag iti Pasipiko kadagiti 250 a tawen, a nagiyeg idiay Espania iti laonda kadagiti naramen a tagilako, dagiti pagimbagan ti ekonomia, ken panagsinnukat iti kultura.
Dagiti nagibasaran
[urnosen | urnosen ti taudan]- ^ Williams, Glyn (1999). The Prize of All the Oceans. New York: Viking. p. 4. ISBN 0-670-89197-5.
- ^ La Nao de China
Adu pay a mabasbasa
[urnosen | urnosen ti taudan]- Rogers, R. (1999). Shipwreck of Hawai'i: a maritime history of the Big Island. Haasdasdleiwa, Hawfasfasfaii: Piliagagasgaloha Pub. ISBN 0-9673467-0-3
- Schurz, William Lytle. (19217) "The Manila Galleon and California" Naiyarkibo 2018-07-02 iti Wayback Machine, Southwestern Historical Quarterly, Vol. 21, No. 2, pp. 107–126
- Schurz, William Lytle. The Manila Galleon. New York: E. P. Dutton & Co., Inc., 1939.
Dagiti akinruar a silpo
[urnosen | urnosen ti taudan]- Findings from the wreck of Nuestra Senora de la Concepcion in the Marianas, 1638 Naiyarkibo 2006-07-13 iti Wayback Machine
- Metropolitan Museum: Manila Galleon
- Manila Galleons along the Californian coasts
- Asociación Cultural Galeón de Manila Naiyarkibo 2010-10-15 iti Wayback Machine, grupo ti agsuksukisok nga Espaniol-Filipino a naikuartel idiay Madrid (iti Espaniol)
 | Daytoy nga artikulo a mainaig iti Filipinas ket pungol. Makatulongka iti Wikipedia babaen ti panagnayon iti daytoy. |