Distrito ti Menashi, Hokkaido
Distrito ti Menash | |
|---|---|
   Distrito ti Menash | |
| Nagsasabtan: 44°1′23″N 145°8′31″E Nagsasabtan: 44°1′23″N 145°8′31″E | |
| Pagilian | Hapon |
| Napundar | Hulio 23, 1879 |
| Kalawa | |
| • Dagup | 397.88 km2 (153.62 sq mi) |
| Sona ti oras | UTC+09:00 |
Ti Menashi (目梨郡, Menashi-gun) ket ti maysa a distrito a mabirukan iti Subprepektura ti Nemuro, Hokkaido,Hapon. Manipud idi 2010, ti nakarkulo a populasionna ket 6,069 ken ti kalawana ket 397.88 km2, iti densidad ti populasion iti 15.3/km2 (segun ti Basic Resident Register 住民基本台帳, 31 Marso 2010.) Ti nagtaudan ti nagan a "Menashi" ket nagtaud manipud iti balikas nga Ainu iti menashi, a ti kayatna a sawen ket "iti daya". Ti lokal a gobierno iti Nemuro, a mangiraman ti Shiretoko ken ti Akin-amianan a Terteritorio, ket inkeddengda a nagana ti intero a rehion iti "Menashi". Ti kaikaisuna nga ili ti Menashi ket ti Rausu. Ti distrito ket maysa kadagit inakaisaadan ti Gubat ti Menashi-Kunashiri idi 1789.
Ili
[urnosen | urnosen ti taudan]Pakasaritaan
[urnosen | urnosen ti taudan]Idi las-ud ti paset ti panawen nga Edo (1603–1868), ti agturturay a shōgun ti Tokugawa ket nangipalubos iti sangkaputotan ti Matsumae (Matsumae han 松前藩) nga agtaeng iti rehion ti Menashi, a nanaganan idi iti Nemuro. Segun ti Kronika ti Shiragi (Shiragi no kiroku 新羅の記録) ti sangkaputotan ti Matsumae, manipud iti immuna a tawen ti paset ti panawen ti Genna aginggana iti agarup a Genna 7 (1615–1622) dagiti agtataeng iti rehion (naibagbaga a kas dagiti tattao nga Ezo, wenno "Ainu") ket nagtagtagilakoda kadagiti sangkaputotan ti Matsumae , a naibagbaga a dagiti Matsumae ket nakagun-odda kadagiti 100 a bangka nga agpataeg kadagiti dutdot ti agila ken dagiti lalat ti otter ti baybay.
Iti immuna a tawen ti paset ti panawen ti Kansei (1789) dagiti patneng nga agtataeng ket nagrebeldeda iti Kunashiri ken Menashi a nakaituronga ti Yaalsa ti Kansei-Ezo (kansei ezo hōki 寛政蝦夷蜂起) ken ti ipupusay dagiti adu a bilang ti tattao a Hapon (wajin 和人.) Daytoy idi ti las-ud ti panawen a naduktalan ti Rausu Onsen.
Idi patingga ti paset ti panawen ti Edo, ti Menashi ket parte idi ti sapasap a rehion ti Daya nga Ezo (higashi ezo 東蝦夷). Ti shōgun ket nangrugida a nagtengngel ken nagpundar iti ad-adu a kaadda iti rehion ti Menashi idi agarup a 1799 (Kansei 11) gapu kadagit inarugsot a panagpadakkel nga annuroten ti Rusia. Nabiit a naisubli ti Menashi iti turay ti sanglaoutotan ti Matsumae idi c. 1821 (Bunsei 4.) Idi c. 1855 (Ansei 2) ti Menashi ket natnag manen babaen ti dominio iti shōgun babaen ti sangkaputotan ti Aizu, ket isuda ket nanaroda a nagturay iti lugar. Idi las-ud ti paset ti panawen ti Ansei (1854–1860) a naduktalan ti Rausu Shrine.
Dagiti daddum pay a nadayeg a petsa
[urnosen | urnosen ti taudan]- 1856 aginggana idi 1857—adda idi bimatak a ugot ti asupre iti Peninsuala Shiretoko.
- 1869—pimmanaw iti lugar ti opisial a gobierno ken ti Menashi ket innala babaen ti rehion ti Hokkaido-Nemuro.
- 8 Pebrero 1882—ti rehion nga ammo akas ti Prepektura ti Haishichi 廃使置県ket nagablin a Prepektura ti Nemuro.
- 1 Abril 1923—dagiti Purok ti Shibetsu 標津村 ken Purok ti Ichani 伊茶仁村 iti Distrito ti Shibetsu ket timmiponda iti Purok ti Chashikotsu 茶志骨村 iti Distrito ti Notsuke tapno mangporma iti Purok ti Shibetsu, Distrito ti Shibetsu, ken naisina daytoy manipud iti Menashi. Napundar ti maikadua a klase a gobierno ti ili ti Purok ti Uebetsu a binukel ti Purok ti Chūrui 忠類村, Purok ti Kunnebetsu 薫別村, ken Purok ti Sakimui 崎無意村.
- 1 Hulio 1930—nanaganan manen ti Purok ti Uebetsu iti Purok ti Rausu.
- 1 Agosto 1961—nangporma iti bukod nga administrasion ti Purok ti Rausu, ken nanaganan manen ti purok iti Ili ti Rausu.
