Thomas de Aquin
| Thomas Aquin | |
|---|---|
 | |
| Land | Reyatu de Sicilia |
| Nascentie | 28 de januar 1225 in Roccasecca |
| Morte | 7 de marto 1274 in Fossanova, Status Papal |
| Ocupation | Mónaco, prestro, teologo, filosof |
Thomas de Aquin esset un mónaco e prestro dominican italian, qui esset un filosof, teologo e jurist imensmen influent in li tradition del scholasticisme. Inter altri coses, il esset un prominent proposant del teologie natural e li patre de un scol de pensament (includent ambis teologie e filosofie) conosset quam tomisme. Il arguet que Deo es li fonte de ambi li luce del rason natural e li luce del fide. Il ha esset descrit qua, "li max influential pensator del periode medieval" e "li max grand del filosofos-teologos medieval". Su influentie sur li pensamente occidental es considerabil, e mult del filosofie modern deriva de su idés, particularmen in li areas del etica, lege natural, metafisica e teorie politic.
Ínsimil a mult currentes in li Eclesie Catolic de ta témpor, Thomas acceptat divers idés avansat de Aristoteles (a qui il nominat "li Filosofo"), e provat sintetisar li filosofie aristotelic con li principis del cristianisme.
Su max conosset ovres es Questiones Disputatae de Veritate (1256–1259), li Summa contra Gentiles (1259–1265), e li ínfinit ma mult influential Summa Theologica (1265–1274). Su comentarios del Bible e de Aristoteles anc forma un part important de su ovres. Adplu, Thomas es distinctet pro su himnes eucaristic, quel forma part del liturgie del eclesie. Li Eclesie Catolic honora Thomas de Aquin quam un sancte e vide le quam un instructor model por qui studia por li prestratu, e li max alt expresion de anc rason natural e teologie speculativ. In témpor modern, sur directives papal, li studie de su ovres esset mult usat quam li nucleo del programe exiget por qui serchat esser odrinat quam prestros o diacones, quam anc por qui esset in formation religiosi e pro altri studentes de disciplines sacri (filosofie, teologie catolic, historie del eclesie, liturgie, e lege canonic).
Quam Doctor del Eclesie, Thomas de Aquin es considerat un del max grand teologos filosofos del Eclesie Catolic. Li Pápa Benedict XV declarat: "Ti Órdine (Dominican)... aquisit nov lustre quande li Eclesie declarat li docentie de Thomas li sue proprie a ta Doctor, honorat con li lodas special del Pontifices, li mestre e patrono del scoles catolic".