Jejuno de Esther

Le jejuno de Esther (del hebreo: תַּעֲנִית אֶסְתֵּר, "taanit Esther")‎ es un jejuno minor in judaismo que occurre le 13 del mense de adar, le die ante le die feriate de purim. Como le altere jejunos minor judee, illo comencia al aurora e conclude post le poner del sol, quando purim comencia.

Le jejuno es pro commemorar le salvamento del judeos ab un indendite genocidio per le politico perse Haman quando le regina Esther ha revelate a su sposo le rege perse Ahasuerus que illa mesme esseva judee. Iste supponite salvamento es describite in le Libro de Esther, un libro que es un romancetto del era hellenistic e cuje eventos e personages (con exception possible del rege, qui es communmemte identificate con Xerxes I o su filio Artaxerxes I) es completemente fiction.

Le calendario judee es un calendario lunar que ha o 12 menses lunar, o 13 menses in annos bissextil. Le 12e mense del anno judee es adar; quando il ha 13 menses le 12nde es appelate adar I e le 13tie es appellate adar II. In iste caso purim, e consequentemente le jejuno de Esther, es in adar II.

In annos quando le 13 de adar occurre in le sabbato judee le jejuno de Esther es le 11 de adar e non le 13. Isto es proque jejunar es prohibite durante le sabbato; le jejuno non es in le 12 in iste caso proque le sabbato comencia un poc ante le poner del sol, ma le jejuno non termina se usque le crepusculo.