Genetica
| Genetica |
|---|
| instantia de: scientia, branca del biologia[*], disciplina academic[*] |
| subclasse de: biologia |
| parte de: biologia |
|
|
|
| data de creation: 1900 |
| Commons: Genetics |
Le genetica (del grec antique γενετικός, de γένεσις - "origine"), un subcampo de biologia, es le scientia de genes, hereditage, e le varietate de viventes. Le facto que viventes heredita qualitates de su genitores esseva usate desde epochas prehistoric pro meliorar plantas e animales per reproducer distinguinte. Ma le scientia moderne de genetica, que tenta comprender le precessos de hereditage, comencia solmente con le labores de Gregor Mendel in le medio del seculo 19. Ben que ille non cognosceva le fundamento physic pro hereditage, Mendel ha observate que viventes heredita qualitates per unitates unic de hereditage, que nos nunc nomina genes.
Genes corresponde a areas in ADN, un molecula componite de un catena de quatro typos de nucleotides. Le sequentia de iste nucleotides es le information genetic que viventes heredita. ADN eveni naturalmente in le forma de un catena duple, con nucleotides a cata latere del catena complente le un le altere. Cata medie del catena pote ager como un modello pro le creation de un nove catena complete. Isto es le methodo pro crear copias de genes le quales pote esser hereditate.
Le sequentia de nucleotides in un gene es traducite per cellulas pro producer un catena de aminoacidos, que forma proteinas. Le ordine de aminoacidos in le proteina corresponde al ordine de nucleotides in le gene. Iste relation inter le sequentia de nucleotides e le sequentia de aminoacidos es nominate le codice genetic. Le aminoacidos in un proteina determina como illo plica pro devenir un forma tridimensional. Iste structura determina alora le rolo del proteina in le cellula. Proteinas executa quasi tote le rolos necessari per le cellulas pro viver. Un cambiamento al ADN in un gene pote cambia le aminoacidos in un proteina, qual cambia su forma e rolo. Isto pote haber un effecto dramatic in le cellula e in le vivente total.
Ben que genetica habe un rolo grande in le apparentia e conducto de viventes, il es le combination de genetica con le experientia del vivente lo que determina le conclusion ultimate. Per exemplo, durante que genes habe un rolo in determina le grandor de un vivente, le nutrition e altere cosas habe tamben un effecto grande.