Տարիէլ Բարսեղեան

Տարիէլ Բարսեղեան
Ծնած է	28 Հոկտեմբեր 1939(1939-10-28)
Ծննդավայր	Վաղարշապատ, Հայաստանի Խորհրդային Ընկերվարական Հանրապետութիւն, Խորհրդային Միութիւն
Մահացած է	30 Օգոստոս 2021(2021-08-30) (81 տարեկանին)
Քաղաքացիութիւն	Հայաստան
Ուսումնավայր	Երեւանի Պետական Համալսարանի Իրաւաբանական Կաճառ
Մասնագիտութիւն	Դատաւոր
Աշխատավայր	Երեւանի Պետական Համալսարան

Տարիէլ Բարսեղեան (28 Հոկտեմբեր 1939(1939-10-28), Վաղարշապատ, Հայաստանի Խորհրդային Ընկերվարական Հանրապետութիւն, Խորհրդային Միութիւն - 30 Օգոստոս 2021(2021-08-30)), իրաւաբան եւ պետական գործիչ։

Աւարտած է Երեւանի Պետական համալսարանի իրաւաբանական կաճառը․ աւարտելէ ետք ան այնտեղ դարձած է դասախօս եւ տարիներու ընթացքին ստանձնած է զանազան պաշտօններ, վարելով նաեւ ամպիոններ։

1990-1998 թուականներուն եղած է Հայաստանի Գերագոյն դատարանի նախագահը։

2008 թուականին Հայաստանի Հանրապետութեան նախագահի հրամանագիրով նշանակուած է Արդարադատութեան խորհուրդի իրաւաբան գիտնական անդամ։

Լրատուամիջոցներու համար պատրաստած է իր մասնագիտութեան վերաբերեալ ծրագիրներ։

Երանաշնորհ Տ.Տ. Գարեգին Ա. Ամենայն Հայոց Կաթողիկոսի ընտրութեան ժամանակ, Տարիէլ Բարսեղեան 1995 թուականին գումարուած Ազգային-եկեղեցական ժողովի դիւանի ատենապետը եղած է^[1]։

• Իրաւաբանութեան կալուածէն ներս փրոֆեսէօրի կոչում։
• Հայաստանի Հանրապետութեան վաստակաւոր իրաւաբանի կոչում (2009)^[2]։