Do You Want to Know a Secret

Do You Want to Know a Secret, անգլիական Բիթլզ ռոք խմբի սինգլը, որը կատարել է Ջորջ Հարիսոնը։ Թողարկվել է «Please Please Me» ալբոմում։ Երգի հեղինակ է Ջոն Լենոնը։ Երգը ներառված է նաև Բիթլզի «The Beatles' Ballads», «The Beatles Box» և «On Air — Live at the BBC Volume 2» ալբոմներում։

Երգի բառերի հեղինակն է Ջոն Լենոնը, սակայն պաշտոնապես երգի հեղինակը համարվում է «Լենոն - Մաքքարթնի» դուետը։ Երգի գրմանը ոգեշնչել է Ուոլթ Դիսնեյ ընկերության «Սպիտակաձյունիկը և յոթ թզուկները» մուլտֆիլմի «I’m Wishing» ստեղծագործությունը^[2]։ Առաջին կողմում «Want to know a secret? Promise not to tell?» սինգլներն են^[3][4]։ Ըստ Փոլ Մաքքարթնիի, 50/50 հավանականությամբ էր, որ երգը պետք է կատարեր Հարիսոնը^[5]։

1980 թվականի հարցազրույցի ժամանակ Լենոնը նշել է, որ երգը բաղկացած է եղել ընդամենը երեք նոտայից և Հարիսոնը աշխարհի ամենալավ երգիչը չէ, սակայն ավելացրել է, որ ժամանակ առ ժամանակ նրա ձայնը լավանում է։ Հարիսոնը կատարել է Please Please Me ալբոմի երկու երգեր՝ Do You Want to Know a Secret և Chains։ Դրանից հետո խումբը ոչ մի երգ չի ձայնագրել Հարիսոնի կատարմամբ։

Սինգլը ԱՄՆ-ում թողարկվել է 1964 թվականի մարտի 23-ին և զբաղեցրել է երկրորդ հորիզոնականը վարկանշային աղյուսակում։

• Ջոն Լենոն - ակուստիկ կիթառ, բեք վոկալ
• Փոլ Մաքքարթնի - բաս կիթառ, բեք վոկալ
• Ջորջ Հարիսոն - կիթառ, վոկալ
• Ռինգո Սթար - հարվածային գործիքներ