Desert Eagle

Desert Eagle
Ենթատեսակ	կիսաավտոմատ ատրճանակ
Երկիր	Իսրայել և  ԱՄՆ
Ստեղծող	Magnum Research? և Israel Military Industries
Արտադրող	Magnum Research? և Israel Weapon Industries?
Փամփուշտի տեսակ	.50 Action Express?, self-contained cartridge?, .44 Magnum? և .357 Magnum?

Desert Eagle (հայերեն՝ Անապատի արծիվ), խոշոր տրամաչափի (մինչև 12․7 մմ) ինքնալիցքավորվող ատրճանակ։ Ատրճանակը նախատեսված է որսորդության ժամանակ վայրի գազաններից պաշտպանվելու և ավազակներից ինքնապաշտպանվելու համար։ Ստեղծվել է 1983 թվականին իսրայելական Israel Military Industries ընկերության կողմից։ Ներկայումս արտադրվում է իսրայելական Israel Military Industries ընկերությունում։ Շնորհիվ չափսերի և դիզայնի՝ այս զենքը հաճախ օգտագործում են ֆիլմերի նկարահանման ժամանակ և համակարգչային խաղերում։

Զենքի առաջին պատվերը եղել է ամերիկացի Բերնարդ Ուայթի (Bernard C. White) կողմից 1983 թվականի հունվարին։ Այս պատվերը հիմք հանդիսացավ, որպեսզի Magnum Research ընկերությունը, որ գտնվում է ԱՄՆ-ում, 1983 թվականին սկսի զենքի վերարտադրումը իր երկրում։ Որից հետո ԱՄՆ-ում պատրաստված այս ատրճանակն իր նոր դիզայնով 1985 թվականին ուղարկվեց Israel Military Industries ընկերություն, որտեղ էլ բարելավվեց զենքի մարտավարտեխնիկական բնութագիրն ու դիզայնը և հետագայում արտադրվեց զենքի երկրորդ մոդելը^[1]։

Այս ատրճանակների փամփուշտների ծայրերը կտրտված են և հենց այս պատճառով, դժվար է այն շփոթել այլ զենքի տեսակների հետ։

Մասսայական արտադրությունը կազմակերպվել է Israel Military Industries ընկերության կողմից Իսրայելում։ 1995-2000-ական թվականներին մասսայական արտադրությունը շարունակվել է արդեն Saco Defense ընկերությունում՝ Մեն նահանգ ԱՄՆ։ Հետագայում կրկին տեղափոխվել է Israel Military Industries ընկերություն։

Նախապես Desert eagle ատրճանակը ստեղծված չի եղել ինքնալիցքավորվող համակարգով, այլ գազամխոցային համակարգով^[2]։ Գազամխոցային համակարգը տեղադրված է փողի տակ։ Desert eagle զենքի գազամխոցային առանձնահատկության շնորհիվ զենքի փողային հատվածը համեմատաբար այլ նմանատիպ զենքերի ավելի մեծ զանգված ունի։

Փամփուշտի տեսակ	Փողի տրամագիծը (մմ)	Փամփուշտները պահեստատուփում	Նկարազարդմանна դիրքը
357 Magnum	9․0	9	ձախից երրորդը
41 Magnum	10.4	8
44 Magnum	11.176	8	ձախից երկրորդը
440 Cor-bon	11.176	7
50 Action Express	12.7	7	ձախից առաջինը

Ներկա պահին Desert Eagle զենքերը կարող են վերափոխվել 50 Action Express, 44 Magnum, 357 Magnum տրամաչափի։ Զենքի վերափոխումը հնարավոր է լինի հետևյալ կերպ՝ փոփոխության է ենթարկվում զենքի կափարիչը, փահեստատուփը և զենքի փողը և այս ամենը կարող է լինել դաշտային պայմաններում։

440 Cor-bon տրամաչափի համար նախատեսված պարագաների արտադրման և վաճառման գործընթացները դադարեցվել են։

Desert Eagle զենքի ընդամենը երեք տարբերակներ են ստեղծվել՝ Mark I, Mark VII և Mark XIX։

Mark I-ը հանվել է արտադրությունից, որը եղել է ալյումինից և պողպաից, ինչպես նաև օգտագործվել է չժանգոտվող պողպատ։ Մնացած հատվածներն իրենց մեջ ներառում են զենքի տարբեր այլ հատվածներ, որոնք կազմված են այլ նյութերից։

• Desert Eagle զենքի արտադրող ընկերության Israel Military Industries կայքը Արխիվացված 2012-09-27 Wayback Machine(անգլ.)
• Զենքի դետալներն հավաքող Magnum Research ընկերության կայքը(անգլ.).
• Ֆիլմերի ցանկը որտեղ օգտագործվում է Desert Eagle ատրճանակը(անգլ.)
• Հատվածներ 24 տարբեր ֆիլմերից, որտեղ օգտագործվում է Desert Eagle-ի հնարավորությունները