Ֆորշ
| Ֆորշ | |
|---|---|
| Ի ծնե անուն | Վահան Գևորգյան |
| Ծնվել է | մայիսի 25, 1967 (57 տարեկան) Երևան, Հայկական ԽՍՀ, ԽՍՀՄ |
| Երկիր |  Հայաստան |
| Մասնագիտություն | Երգիչ, երգահան |
| Գործիքներ | վոկալ |
| Գործունեություն | 1983 թվականից |
| Կրթություն | Երևանի Կոմիտասի անվան պետական կոնսերվատորիա |
| Պարգևներ |  |
Ֆորշ (իրական անունը՝ Վահան Գեորգիի Գևորգյան) (մայիսի 25, 1967, Երևան, Հայկական ԽՍՀ, ԽՍՀՄ), հայ երգիչ, երգահան, Հայաստանի վաստակավոր արտիստ (2011)[1]։
Կենսագրություն
[խմբագրել | խմբագրել կոդը]1985 թվականին ավարտել է Երևանի Չայկովսկու անվան երաժշտական դպրոցի ջութակի դասարանը։ 1985-1992 թվականներին սովորել է Երևանի Կոմիտասի անվան պետական կոնսերվատորիայի ջութակի բաժնում։ 1983 թվականից երգեր է գրում։ 1990-1996 թվականներին եղել է «Մետրո» թատրոնի դերասան և կոմպոզիտոր։
Հեղինակել է մի շարք բեմադրությունների երաժշտություններ՝ Նիկոլայ Ծատուրյանի «Հեթում արքա», «Ապերախտ տղամարդիկ», Վիգեն Ստեփանյանի «Շունն ու կատուն» և այլն։
Նկարահանվել է ֆիլմերում։ Հեղինակել է ավելի քան 50 երգ։ 1994 թվականին հիմնադրել է «Ռե Մինոր» խումբը և համերգներով հանդես է եկել տարբեր երկրներում։ 2008 թվականին հիմնել է «Ֆորշ և ընկերներ» կազմակերպությունը, որը Սևանա լճի ափին իրականացրել է «Երաժիշտներ հանուն խաղաղության» միջազգային փառատոնը։ Նկարահանել է ավելի քան 20 տեսահոլովակ[2]։
Ալբոմներ
[խմբագրել | խմբագրել կոդը]- «Բարև, իմ սեր» (1994)
- «Գիշեր» (1997)
- «Խենթ աղջիկ» (2002)
- «Այսպես էլ ապրում ենք» (2004)
- «The Best»
- «Երևանը մենք ենք» (2014)
Պարգևներ
[խմբագրել | խմբագրել կոդը]- Երևանի քաղաքապետի ոսկե մեդալ, 2016[3]
Ծանոթագրություններ
[խմբագրել | խմբագրել կոդը]- ↑ Հայաստանի Հանրապետության պատվավոր կոչումներ շնորհելու մասին
- ↑ «Ֆորշի կենսագրությունը zarkfoundation.com կայքում».
- ↑ «yerevan.am | ՔԱՂԱՔԱՊԵՏԻ ՈՐՈՇՈՒՄՆԵՐ». www.yerevan.am. Վերցված է 2016 թ․ հոկտեմբերի 10-ին.