Օնիկ Գասպարյան

Օնիկ Վիկտորի Գասպարյան
հունվարի 6, 1970(1970-01-06) (55 տարեկան) -
Ծննդավայր	Իջևան, ԽՍՀՄ
Քաղաքացիություն	Հայաստան
Զորատեսակ	Հայաստանի զինված ուժեր
Կոչում	Գեներալ-Գնդապետ
Պաշտոն	ԶՈւ ԳՇ պետ
Մարտեր/ պատերազմներ	Հայ-ադրբեջանական երկրորդ պատերազմ
Կրթություն	Մ. Վ. Ֆրունզեի անվան ռազմական ակադեմիա և ՌԴ ԶՈւ Գլխավոր շտաբի զինվորական ակադեմիա
Պարգևներ	և

Օնիկ Վիկտորի Գասպարյան (հունվարի 6, 1970(1970-01-06), Իջևան, ԽՍՀՄ), Հայաստանի ռազմական գործիչ, գեներալ-գնդապետ^[1], Հայաստանի զինված ուժերի գլխավոր շտաբի պետ։

• Վերապատրաստվել է Ֆրունզեի անվան ռազմական ակադեմիայում և ՌԴ ԶՈՒ Գլխավոր շտաբի ռազմական ակադեմիայում։

• 1988-1990 թթ. - ծառայել է Խորհրդային բանակում։
• 1990 թվականից մասնակցել է մարտական գործողություններին Իջևանի ջոկատի կազմում։ Ծանր վիրավորվել է ոտքի շրջանում՝ հակահետևակային ականի պայթյունից։
• 1993-2010 թթ. - Իջևանի գնդի գումարտակի հրամանատարի տեղակալ, հետախուզության պետ, հրամանատարի մարտական գծով տեղակալ, ապա՝ գնդի հրամանատար։
• 2010-2012 թթ. - 3-րդ բանակային կորպուսի շտաբի պետ։
• 2012 թվականի ապրիլի 11-ին Հայաստանի Նախագահի հրամանագրով նշանակվել է Հայաստանի պաշտպանության նախարարության 3-րդ բանակային կորպուսի հրամանատար՝ կնքելով պայմանագիր հինգ տարի ժամկետով^[2]։
• 2016 թվականի հուլիսի 7-ին ՀՀ նախագահի հրամանով նշանակվել է ՀՀ զինված ուժերի գլխավոր շտաբի պետի տեղակալ^[3]։
• 2017 թվականի հունիսի 15-ին ՀՀ նախագահի հրամանով նշանակվել է ՀՀ զինված ուժերի գլխավոր շտաբի պետի առաջին տեղակալ^[4]։
• 2020 թվականի հունիսի 8-ին Հայաստանի վարչապետ Նիկոլ Փաշինյանի առաջարկով՝ Հայաստանի նախագահ Արմեն Սարգսյանը Օնիկ Գասպարյանին նշանակել է Հայաստանի զինված ուժերի գլխավոր շտաբի պետ^[5]։

2020 թվականի սեպտեմբերի 27-ի առավոտյան Ադրբեջանի զինված ուժերի նախահարձակման պատճառով սկսվեց հայ-ադրբեջանական պատերազմ։ Ռազմական գործողությունների ընթացքում ադրբեջանական զինված ուժերին հաջողվեց գրավել Արցախի Հանրապետության հարավը և Թալիշ-Մատաղիս հատվածը հյուսիս-արևելքում, հարավում գրեթե հասնել Հայաստանի Սյունիքի մարզին, հայկական կողմին պատճառել հազարավոր զոհեր, վիրավորներ և անհետ կորածներ, ինչպես նաև ռազմական և քաղաքացիական տեխնիկայի ու միջոցների հսկայական կորուստ։ Նոյեմբերի 9-ի գիշերը վարչապետ Նիկոլ Փաշինյանը ֆեյսբուքյան իր էջով հայտարարեց կապիտուլացիոն հայտարարության ստորագրման մասին։ Այդ համաձայնագրով հայկական զինված ուժերը դուրս բերվեցին իրենց վերահսկողության ներքո գտնվող Քաշաթաղի և Շահումյանի շրջաններից, Ասկերանի շրջանի որոշ հատվածներից^[6]։ Պայմանագրց դուրս հանձնվեցին նաև Հադրութի և Քաշաթաղի շրջանների դեռևս ադրբեջանական զինված ուժերի կողմից չգրավված տարածքներից, իրենց չհանձնված տարածքները։

• Գեներալ-մայոր (2015)^[7]։
• «Հայրենիքին մատուցած ծառայությունների համար» 1-ին աստիճանի մեդալ (2014)^[8]։
• Արիության մեդալ (2011)^[9]։
• Մի շարք գերատեսչական պարգևներ։
• Հայաստանի վարչապետի հուշամեդալ (2013)։
• Գեներալ-լեյտենանտ (2019)^[10]։
• Գեներալ-գնդապետ (2020)

Ամուսնացած է, ունի երկու զավակ։