Օլգա Տեր-Հովհաննեսովա

Օլգա Տեր-Հովհաննեսովա
Ծնվել է	հունիսի 13, 1920(1920-06-13) Թիֆլիս, Վրաստանի Դեմոկրատական Հանրապետություն
Մահացել է	ապրիլի 6, 2005(2005-04-06) (84 տարեկան) Երևան, Հայաստան
Քաղաքացիություն	ԽՍՀՄ և  Հայաստան
Մասնագիտություն	անասնաբույժ և դասախոս
Հաստատություն(ներ)	Երևանի անասնաբուծական-անասնաբուժական ինստիտուտ
Ալմա մատեր	Երևանի անասնաբուծական-անասնաբուժական ինստիտուտ (1941)
Կոչում	անասնաբուժական գիտությունների թեկնածու
Գիտական աստիճան	պրոֆեսոր (1990)

Օլգա Գերասիմի Տեր-Հովհաննեսովա (հունիսի 13, 1920(1920-06-13), Թիֆլիս, Վրաստանի Դեմոկրատական Հանրապետություն - ապրիլի 6, 2005(2005-04-06), Երևան, Հայաստան), անասնաբույժ։ Անասնաբուժական գիտությունների թեկնածու (1957), պրոֆեսոր (1990)։ ՀԽՍՀ վաստակավոր անասնաբույժ (1980)։

Օլգա Տեր-Հովհաննեսովան ծնվել է 1920 թվականին, Թիֆլիսում։ 1941 թվականին ավարտել է Երևանի անասնաբուծական-անասնաբուժական ինստիտուտը։ 1947 թվականից աշխատել է Երևանի անասնաբուծական-անասնաբուժական ինստիտուտի համաճարակաբանության ամբիոնում, 1960-1962 թվականներին եղել է անասնաբուժական ֆակուլտետի դեկան, 1962-1970 թվականներին՝ պրոռեկտոր, 1985-1990 թվականներին՝ համաճարակաբանության և անասնաբուժության տնտեսագիտության ամբիոնի վարիչ։ 1966 թվականին կազմակերպել է կաթնա- և մսամթերքների տեխնոլոգիայի ֆակուլտետը։ Օլգա Տեր-Հովհաննեսովայի կենսագրականն ընդգրկվել է Քեմբրիջի միջազգային կենսագրական կենտրոնի^[1]։

Աշխատանքները վերաբերում են գյուղատնտեսական կենդանիների սիբիրախտ, դաբաղ, ծաղիկ, խլախտ և այլ հիվանդությունների բուժմանն ու կանխարգելմանը։ Առաջինն է (Ե. Ա. Չույկովայի հետ) բացահայտել և ուսումնասիրել անկաթնություն (ագալակտիա) հիվանդությունը։

• Անասնաբուժական ախտահանություն / Հ. Բ. Բոյախչյան և Օ. Գ. Տեր-Հովհաննեսովա, Երևան։ Հայաստան , 1965, 115 էջ^[2]։