Փոլ Նըրս

Փոլ Նըրս անգլ.՝ Paul Maxime Nurse
Ծնվել է	հունվարի 25, 1949(1949-01-25)[1][2][3] (75 տարեկան)
Ծննդավայր	Նոր��ջ, Անգլիա, Միացյալ Թագավորություն
Քաղաքացիություն	Միացյալ Թագավորություն
Կրոն	աթեիզմ
Կրթություն	Բիրմինգհեմի համալսարան, Արևելյան Անգլիայի համալսարան և Harrow High School?
Գիտական աստիճան	փիլիսոփայության դոկտոր
Մասնագիտություն	կենսաքիմիկոս, գենետիկ, քիմիկոս և հետազոտող
Աշխատավայր	Օքսֆորդի համալսարան, Francis Crick Institute?[4], Էդինբուրգի համալսարան, Լոնդոնի թագավորական ընկերություն[5] և Ռոքֆելլերի համալսարան[6]
Զբաղեցրած պաշտոններ	Թագավորական միության նախագահ
Պարգևներ և մրցանակներ	[15] Ալբերտ Լասկերի մրցանակ բժշկական հիմնավոր հետազոտությունների համար [7] [8][9] [10] Թագավորական մեդալ Ալբերտ Էյնշտեյնի անվան գիտության համաշխարհային մրցանակ [11] Marjory Stephenson Prize? Գայդների միջազգային պարգև Եվրոպայի մոլեկուլյար կենսաբանության կազմակերպության անդամություն Alfred P. Sloan, Jr. Prize? [12] Հայնեկենի մրցանակ կենսաքիմիայի և կենսաֆիզիկայի համար [13] Ռոզենստիլի մրցանակ [14] Feldberg Foundation? Զալցբուրգի համալսարանի պատվավոր դոկտոր [16] Novartis Medal and Prize? Բալիի մեդալ Harveian Oration? Louis-Jeantet Prize for Medicine? [17] [18] Ամերիկյան գիտության զարգացմանն օժանդակող միության անդամ [19] և Dr. Josef Steiner Cancer Research Award?
Անդամություն	Լոնդոնի թագավորական ընկերություն, ԱՄՆ-ի Գիտությունների ազգային ակադեմիա[20], Հունգարիայի գիտությունների ակադեմիա, Արվեստների և գիտությունների ամերիկյան ակադեմիա, Մոլեկուլային կենսաբանության եվրոպական կազմակերպություն, Չինաստանի գիտությունների ակադեմիա և Եվրոպական ակադեմիա[21]
Paul Nurse Վիքիպահեստում

Սըր Փոլ Մաքսիմ Նըրս (հունվարի 25, 1949(1949-01-25)^[1][2][3], Նորիջ, Անգլիա, Միացյալ Թագավորություն) անգլիացի գենետիկ, Թագավորական ընկերության նախկին նախագահ և Ֆրենսիս Քրիքի ինստիտուտի գլխավոր գործադիր տնօրեն։^[22][23][24] 2001 թվականին նա, Լելանդ Հարթուելի և Թիմ Հանթի հետ համատեղ, արժանացել է ֆիզիոլոգիայի կամ բժշկության Նոբելյան մրցանակի՝ բջջային ցիկլի բջիջների բաժանումը վերահսկող սպիտակուցի մոլեկուլների հայտնագործության համար։^[25]

Նըրսի մայրը 18 տարեկանում, անօրինական ծնունդը թաքցնելու համար, Լոնդոնից գնաց Նորվիչ և ապրեց հարազատների հետ՝ սպասելով Փոլի ծննդին։^[26] ։ Իրենց կյանքի ընթացքում նրա մայրական տատիկը ձևացել է, որպես Նըրսի մայր, իսկ մայրը՝ որպես քույր։^[27]

Փոլը դաստիարակվել է տատիկի և պապիկի կողմից (որոնց նա համարել է որպես իր ծնողներ) Հյուսիս-արևմտյան Լոնդոնում։^[26] Նա կրթություն է ստացել Ալպերտոնի Լիոն Պարկ դպրոցում և Հարոու շրջանի քերականական դպրոցում։^[28] 1970 թվականին Բիրմինգհեմի համալսարանից նա ստացել է կենսաբանության բակալավրի կոչում։^[29] իսկ 1973 թվականին՝ դոկտորի կոչում՝ Արևելյան Անգլիայի համալսարանից՝ Candida utilis-ի վերաբերյալ հետազոտության համար։^[30] Այնուհետ նա հետդոկտորական աշխատանք է կատարել Բեռնի, Էդինբուրգի և Սասեքսի համալսարաններում:

Նըրսը մինչև 50 տարեկանը չգիտեր, որ իր «քույրն» իրականում իր մայրն է։ Նրա «ծնողներն» երկուսն էլ արդեն մահացել էին, իսկ «քույրը»՝ Միրիամը, որն իրենից տասնութ տարով էր մեծ, վաղաժամ մահացել էր ցրված սկլերոզից։ ԱՄՆ-ի կացության համար գրին քարտ ստանալու նրա դիմումը, երբ Ռոքֆելլերի համալսարանի նախագահն էր, ի զարմանս իրեն, մերժվեց, չնայած որ նա Նոբելյան մրցանակի դափնեկիր էր, համալսարանի նախագահ և ասպետ. Պատճառն այն էր, որ Մեծ Բրիտանիայի սեղմ ծննդյան վկայականի մեջ, նրա ծնողների անունները չկային: Երբ նա դիմեց լրիվ ծննդյան վկայականի համար,, ի զարմանս իրեն, պարզեց որ իր քույրը իր մայրն է եղել։.^[26][31]

Հաջորդ վեց տարիներին (1973–1979) Նըրսը շարունակեց իր հետդոկտորական հետազոտությունը Էդինբուրգի համալսարանի Մերդոկ Միթչիսոնի լաբորատորիայում։^[32][33]

1984 թվականին Նըրսը միացավ Քաղցկեղի Հետազոտությունների Կայսերական ​​Հիմնադրամին (ICRF, այժմ՝ Cancer Research UK): 1988 թվականին նա ստանձնեց Օքսֆորդի համալսարանի մանրէաբանության ամբիոնի վարիչի պաշտոնը։ Այնուհետև 1993 թվականին նա վերադարձավ ICRF որպես հետազոտությունների տնօրեն, իսկ 1996-ին նշանակվեց ICRF-ի գլխավոր տնօրեն, որը 2002 թվականին դարձավ Միացյալ Թագավորության Քաղցկեղի հետազոտությունների ֆոնդ: 2003 թվականին նա դարձավ Նյու Յորքի Ռոքֆելլերի համալսարանի նախագահ։^[34]

2010 թվականի նոյեմբերի 30-ին Նըրսը Թագավորական ընկերության նախագահի պաշտոնում փոխարինեց աստղաֆիզիկոս Մարտին Ռիսին հինգ տարի ժամկետով՝ մինչև 2015 թվականը:

Նըրսը ասել է, որ լավ գիտնականը պետք է կիրք ունենա «իմանալու իրեն հետաքրքրող հարցերի պատասխանը», ինչպես նաև լավ տեխնիկական կարողություն և մի շարք հատկություններ՝ ազնվություն, ինքնաքննադատություն, լայնախոհություն և թերահավատություն։^[35]