Տանա

Տանա; նորվ.՝ Tana
Դրոշ	Զինանշան
;	;
Երկիր	Նորվեգիա
Կարգավիճակ	Նորվեգիայի կոմունաներ
Մտնում է	Ֆինմարք ֆյուլքե
Վարչկենտրոն	Տանա-բրու
	Ֆրանկ Մարտին Ինգիլ
Հիմնական լեզու	Բուկմոլ, ; Հյուսիսսաամերեն
Պաշտոնական լեզուներ	նորվեգերեն և Հյուսիսսաամերեն
Բնակչություն (2009)	2953
Տարածք	4049.71
Հիմնադրված է	1864 թ.
Սահմանակցում է	Գամվիկ, Berlevåg, Բոցֆորդ, Nesseby, Վադսյո, Կարասիոկ, Ուտսյոկի, Պորսանգեր և Լեբեսյու
Ժամային գոտի	UTC+1
ISO 3166-2 կոդ	2025
	tana.kommune.no
	Տանա Վիքիպահեստում

Տանա (նորվ.՝ Tana), կոմունա (համայնք) Նորվեգիայի Ֆինմարք ֆյուլքեյում (մարզում)։ Սահմանակից է Ֆինլանդիային։ Կոմունայի վարչական կենտրոնը Տանա-բրու քաղաքն է։ Պաշտոնական լեզուն համարվում է Բուկմոլը և Հյուսիսսաամերենը։ Զբաղեցնում է 4049,71 կմ² տարածք^[2]։ Բնակչության մեծ մասը սաամներ են։

Պատմություն

Տանայի տարածքը նախկինում եղել է Լապլանդիայի կազմում։ 1864 թվականի հունվարի 1-ին Տանա կումունան առանձնացվեց Նեսեբյու կոմունայից և ստեղծվեց առանձին համայնք, որը ներառում էր նաև Գամվիկ կոմունայի տարածքը։ 1913 թվականի հուլիսի 1-ին Տանայի կազմից հանվեցին և առանձին կոմունաներ դարձան Գամվիկը և Բերլեվոգը։ 1964 թվականի հունվարի 1-ին Տանային միացվեց Պոլմակ կոմունան։

Անվանում

Տանա կոմունան իր անվանումը ստացել է Տանա գետից։ Հյուսիսսաամերեն Deatnu նշանակում է «մեծ գետ», ինչից էլ առաջացել է նորվեգերեն «Տանա» անվանումը։

Մինչև 1918 թվականը կոմունայի անվանումը գրվում էր «Tanen»: 1992 թվականին այն վերանվանվում է Դեատնու-Տանա (Deatnu-Tana)^[3], սակայն 2005 թվականին վերանվանվեց։ Այժմ պաշտոնապես Տանա և Դեատնու անվանումներ իրավահավասար են^[4]։

Զինանշանը

Տանա կոմունայի զինանշանը ստեղծվել է 20-րդ դարում և հաստատվել 1984 թվականի մայիսի 11-ին։ Կարմիր գույնի վահանի վրա պատկերված է գետի ջրերի համար նախատեսված երեք դեղին գույնի նավակ, որոնք օգտագործել են սաամենրը, նորվեգացիները, ֆինները^[5]։

Աշխարհագրություն

Տանա կոմունայի տարածքը գտնվում է Տանա գետի ավազանում, ինչպես նաև Տանա ֆյորդի ափերին։ Սահմանակից է Ֆիլիանդիայի Ուտսիոկի նահանգին։

Հիմնական բնակավայրերը տեղակայված են Սիրմա, Պոլմակ, Ռուստեֆյելբմա, Սեյդա, Սկիպագուրա, Աուստերտանա, Տանաբարու գետերի ափերին։ Տանա-բրու քաղաքը հանդիսանում է կոմունայի վարչական կենտրոնը։ Վարչական կենտրոնով է անցնում E6 մայրուղին։

Տանա գետը հայտնի է իր սաղմոն ձկան պաշարներով։