Վարդան Դալլաքյան

Վարդան Տիգրանի Դալլաքյան
մարտի 25, 1969(1969-03-25) - հունվարի 31, 1994(1994-01-31) (24 տարեկան)
Ծննդավայր	Նոր Հաճն
Մահվան վայր	Եղեգնուտ, Շահումյանի շրջան, Արցախ
Քաղաքացիություն	Հայաստան
Զորամաս	Նոր Հաճն կամավորական ջոկատ
Մարտեր/ պատերազմներ	Աֆղանական պատերազմ (1979-1989) և Արցախյան ազատամարտ` Բերդաձորի ինքնապաշտպանություն, Շահումյանի շրջանի ազատագրական մարտեր
Կրթություն	ԵՊՀ պատմության ֆակուլտետ
Պարգևներ	և

Վարդան Տիգրանի Դալլաքյան (մարտի 25, 1969(1969-03-25), Նոր Հաճն, Նաիրիի շրջան, Հայկական ԽՍՀ - հունվարի 31, 1994(1994-01-31), Եղեգնուտ, Շահումյանի շրջան, Արցախ), հայ ազատամարտիկ, ԵՊՀ պատմության ֆակուլտետի ուսանող։

Վարդան Դալլաքյանը ծնվել է 1969 թվականի մարտի 25-ին Նաիրիի շրջանի Նոր Հաճն քաղաքատիպ ավանում։ Միջնակարգ կրթությունը ստացել է տեղի դպրոցում։

1987 թվականի մայիսի 15-ին զորակոչվել է խորհրդային բանակ։ Ծառայությունն անցկացրել է Աֆղանստանում տեղակայված խորհրդային բանակի ստորաբաժանումներում։ 1989 թվականին զորացրվել է և պարգևատրվել ԽՍՀՄ Գերագույն խորհրդի պատվոգրով ու կրծքանշաններով։ Աֆղանստանի նախագահի 1988 թվականի մայիսի 15-ի հրամանագրի համաձայն Վարդան Դալլաքյանը պարգևատրվել է «Воину-интер­на­цио­налисту от благодарного афган­ского народа» (Մարտիկ-ինտերնացիոնալիստին երախտապարտ աֆղան ժողովրդից) մեդալով։

1989 թվականին աշխատանքի է ընդունվել Նոր Հաճնի «Սապֆիր» գործարանում։ Միաժամանակ ակտիվ մասնակցություն է ունեցել Արցախի ազատագրական պայքարին։

1990 թվականին ընդունվել է Երևանի պետական համալսարանի պատմության ֆակուլտետ։

1990 թվականի հոկտեմբեր-դեկտեմբեր ամիսներին մասնակցել է Բերդաձորի ինքնապաշտպանությանը, մասնավորապես Բերդաձորի ամենավտանգավոր կետի` Ծաղկաձոր գյուղի պաշտպանությանը։

Վարդան Դալլաքյանը զոհվել է 1994 թվականի հունվարի 31-ին Արցախի Հանրապետության Շահումյանի շրջանի ազատագրման գործողությունների իրականացման ժամանակ` Ղամշլու (Եղեգնուտ) գյուղի մատույցներում։ Նրա աճյունն ամփոփվել է Նոր Հաճնի գերեզմանատանը։

• 1989 թվականին պարգևատրվել ԽՍՀՄ Գերագույն խորհրդի պատվոգրով ու կրծքանշաններով.
• Աֆղանստանի նախագահի 1988 թվականի մայիսի 15-ի հրամանագրի համաձայն պարգևատրվել է «Воину-интер­на­цио­налисту от благодарного афган­ского народа» (Մարտիկ-ինտերնացիոնալիստին երախտապարտ աֆղան ժողովրդից) մեդալով.
• ՀՀ պաշտպանության նախարարի 1996 թվականի դեկտեմբերի 20-ի թիվ 586 հրամանով հետմահու պարգևատրվել է «1992–1994 թթ. մարտական գործողությունների մասնակից»՚ կրծքանշանով.
• ՀՀ նախագահի 1999 թվականի սեպտեմբերի 20-ի հրամանագրով ՀՀ անկախության հռչակման 8-րդ տարեդարձի առթիվ Նոր Հաճնի երկրապահ ջոկատի ազատամարտիկ Վարդան Դալլաքյանը հետմահու պարգևատրվել է «Արիության» մեդալով.

2009 թվականի մարտին ԵՊՀ աստվածաբանության ֆակուլտետի լսարաններից մեկն անվանակոչվել է Վարդան Դալլաքյանի անունով։

• Դալլաքյան Վարդան Տիգրանի, Պատմության ֆակուլտետ, ուսանող (զոհված) Արխիվացված 2018-03-05 Wayback Machine