Ստեփան Փարթամյան

Ստեփան Փարթամյան;
Ծնվել է	սեպտեմբերի 16, 1962 (62 տարեկան)
Ծննդավայր	Բեյրութ, Լիբանան
Քաղաքացիություն	ԱՄՆ
Ազգություն	հայ
Կրոն	աթեիզմ
Երկեր	"Yes, We Have"
Մասնագիտություն	հեռուստահաղորդավար
Կայք	partam.com

Ստեփան Փարթամյան (անգլ.՝ Stepan Partamian, արմտ. հայ.՝ Ստեփան Փարթամեան, սեպտեմբերի 16, 1962(1962-09-16), Բեյրութ, Լիբանան), հայ հաղորդավար, արտադրիչ։ «Ձեր կարծիքը», «Բարի լույս» և «Հայը» ծրագրերի հաղորդավարն է, «Հայկական արվեստներ» ընկերության հիմնադիրը։

Կենսագրություն

Ստեփան Փարթամյանը ծնվել է 1962 թվականին, Բեյրութում։ 1986 թվականին ավարտել է ԱՄՆ-ի Կալիֆորնիա նահանգի «Նորթրիջ» համալսարանի ռադիո-հեռուստատեսության բաժինը։ 1990 թվականին հիմնադրել է «Գառնի» երաժշտական ստուդիան, որտեղ ձայնագրել է ավելի քան 50 ձայնասկավառակ՝ Ռուբեն Հախվերդյան, Արմեն Մովսիսյան, Արթուր Մեսչյան, Լիլիթ Պիպոյան, Բելլա Դարբինյան և այլն։ Լոս Անջելեսի հայկական հեռուստատեսությամբ վարել է «Ձեր կարծիքը» «Հայը», «Բարի լույս» հաղորդաշարերը։ Եղել է բազմաթիվ համերգային ծրագրերի պրոդյուսեր։ Հիմնադրել և ղեկավարում է «Հայկական արվեստներ» ընկերությունը, որը կազմակերպել է բազմաթիվ միջոցառումներ և հայ մշակույթին նվիրված երեկոներ^[2]։ Ստեղծել է PARTAM all things Armenian App-ը՝ ճամփորդական ուղեցույցը, որում վավերագրված են տեղեկություններ աշխարհի տարբեր անկյուններում գտնվող հայկական վայրերի վերաբերյալ՝ լուսանկարներում ու տեղայնքով^[3]։

2009 թվականին հրատարակել է "Yes, We Have" (Այո, մենք ենք) հայի ինքնությունը փաստող գիրքը, որտեղ ներկայացված են ԱՄՆ-ում զգալի ներդրումներ ունեցող հայազգի 700 ամերիկացիների կենսագրականներ^[4]։

Ծանոթագրություններ

Արտաքին հղումներ

Stepan Partamian Արխիվացված 2016-03-05 Wayback Machine

[1] Yes, We Have - Expanded By Stepan Partamian, 800-page book on Armenian-American achievements

[2] «Ստեփան Փարթամյանի մասին zarkfoundation.com կայքում».

[3] PARTAM all things Armenian

[4] Ամերիկան Հայաստանի մարզերից մեկն է. Ստեփան Փարթամյան

[1]