Սինէկոլոգիա
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Սինէկոլոգիան, էկոլոգիայի բաժին, որն ուսումնասիրում է տարբեր տեսակի օրգանիզմների փոխհարաբերությունները օրգանիզմների համակեցությունների ներսում։ Հաճախ սինէկոլոգիան դիտում են որպես գիտություն կենսացենոզների կյանքի մասին, այսինքն՝ կենդանիների, բույսերի և միկրոօրգանիզմների բազմատեսակ համակեցությունների մասին։ Ներկայումս սինէկոլոգիան ընդհանուր էկոլոգիայի 3 գլխավոր մասնաբաժիններից մեկն է (աուտէկոլոգիայի և դեմէկոլոգիայի հետ միասին)։
Հասկացության պատմություն
[խմբագրել | խմբագրել կոդը]Սկզբում այս տերմինը կիրառվել է առավելապես բուսաբանությունում։ Տրվել է այդ տերմինի հետևյալ բնորոշումը. Սինէկոլոգիան կամ բուսական ֆորմացիաների մասին տեսությունը բաժանվում է հետևյալ բաժինների՝
I. Ֆիզիոնոմիկական սինէկոլոգիա. Խնդիրն է նկարագրել բուսական ֆորմացիաները նրանց բաղադրության և «ֆիզիոնոմիայի » («կենսական ձևեր») տեսանկյունից.
II. Աշխարհագրական սինէկոլոգիա. Ուսումնասիրում է ֆորմացիաների աշխարհագրական տեղաբաշխումը ըստ ոլորտների, լեռնային գոտիների և ըստ երկրաբանական համակարգերի (ֆորմացիաների և այլն.), որոնք իրենցից ներկայացնում են սննդային միջավայր բուսականության համար.
III. Էկոլոգիական սինէկոլոգիա. Ուսումնասիրում է տվյալ բնակության միջավայրի կյանքի պայմանները, առանձին էկոլոգիական խմբեր, որոնք մտնում են տվյալ ֆորմացիայի կազմի մեջ, ֆորմացիաների ծագումը, նրանց հավասարակշռության պահպանման պայմանները և փոփոխությունները, որոնց ենթարկվում են ֆորմացիաները.
IV. Պատմական սինէկոլոգիա. Հետազոտում է առանձին ֆորմացիաների ֆլորիստիկ տարրերը և նրանց ներգաղթի պատմությունը։
Տես նաև
[խմբագրել | խմբագրել կոդը]
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |