Սեղբեսարոս IV (հակապապ)

Սեղբեսարոս IV (լատին․՝ Silvestro, ավազանի անունը՝ Մագինուլֆո, 11-րդ դար կամ մոտ 1050, Հռոմ, Սրբազան Հռոմեական կայսրություն - ոչ վաղ քան 1111, Սրբազան Հռոմեական կայսրություն), Հռոմի Կաթոլիկ եկեղեցու հակապապ 1105-1111 թվականներին։

Հռոմեական ազնվականության ներկայացուցիչները գերմանացի Հենրիխ V (1105–1125) կայսեր աջակցությամբ մեկ այլ հակապապ են ընտրում, որը պետք է փոխարիներ Պասքալիս II պապին (1099–1118)։ Եվ մինչ վերջինս Հռոմից բացակայում էր, պապ է ընտրվում Սանտ Անջելո եկեղեցու արքեպիսկոպոս Մագինուլֆոն^[1]։ Նա վերցնում է Սեղբեսարոս IV պապական անունը։ Օծումը տեղի է ունենում Սանտա Մարիա Ռոտոնդա եկեղեցում, և 1105 թվականի նոյեմբերի 18-ին Լաթերանում Սեղբեսարոս IV-ը գահ է բարձրանում։ Հաջորդ օրը Պասքալիս II-ը վերադառնում է Հռոմ, և նորընտիր պապը մեկնում է Տիվոլի։ Ապա վերջնականապես հաստատվում է Օսիմոյում։ 1111 թվականի ապրիլի 11-ին Պասքալիսն ու Հենրիխ V կայսրը կաթոլիկ քահանաների միջամտությամբ համաձայնության են գալիս։ Եվ կայսրը, որն օգտագործում էր Սեղբեսարոսին Պասքալիսի վրա ճնշում գործադրելու համար, ստիպում է հակապապին հրաժարվել պապությունից և պապ է հաստատում Պասքալիս II-ին^[2]։ Իսկ Սեղբեսարոսը, կայսեր թույլտվությամբ իր կյանքի հետագա մասն անցկացնում է Անկոնայում։

• Հռոմի պապերի ու հակապապերի ցանկ
• Հակապապ

• «Сильвестр IV». Encyclopædia Britannica. Արխիվացված օրիգինալից 2012 թ․ մայիսի 25-ին. Վերցված է 2012 թ․ փետրվարի 23-ին.
• Charles A. Coulombe. Vicars of Christ: A History of the Popes. — Kensington Publishing Corp., 2003. — P. 230.
• «Сильвестр IV (антипапа)». ХРОНОС. Արխիվացված օրիգինալից 2012 թ․ մայիսի 25-ին. Վերցված է 2012 թ․ փետրվարի 24-ին.

դ ք խ Հռոմի Կաթոլիկ եկեղեցու հակապապեր Նատալիուս • Հիպողիտոս • Նովատիանոս • Փելիքս II • Ուրսինոս • Եվլալիոս • Լավրենտիոս • Դիոսկորոս • Թեոդորոս • Պասքալիս • Կոստանդինոս II • Փիլիպպոս • Հովհաննես VIII • Անաստաս • Քրիստափոր • Բոնիփակիոս VII • Դոմն II • Հովհաննես XVI • Գրիգոր VI • Բենեդիկտոս X • Ոնորիոս II • Կղեմես III • Թեոդորիկ • Ալբերտոս • Սեղբեսարոս IV • Գրիգոր VIII • Կելեստինոս II • Անակղետոս II • Վիկտոր IV • Վիկտոր IV II • Պասքալիս III • Կալիստոս III • Իննովկենտիոս III • Գրիգոր XI • Նիկողայոս V • Կղեմես VII • Բենեդիկտոս XIII • Ալեքսանդր V • Հովհաննես XXIII • Կղեմես VIII • Բենեդիկտոս XIV • Բենեդիկտոս XIV II • Փելիքս V

Բառարաններ և հանրագիտարաններ Բրիտանիկա · Բրոքհաուս · Իտալացիների կենսագրական բառարան · Մեծ նորվեգական Չափորոշչային վերահսկողություն GND: 100960731 · VIAF: 74208090 · WorldCat VIAF: 74208090