Սաբիհա Ռյուշտյու Բոզջալի
Սաբիհա Ռյուշտյու Բոզջալի թուրքերեն՝ Sabiha Rüştü Bozcalı | |
|---|---|
 | |
| Ծնվել է | 1904[1] |
| Ծննդավայր | Ստամբուլ, Օսմանյան կայսրություն |
| Վախճանվել է | ապրիլի 12, 1998 |
| Մահվան վայր | Թուրքիա |
| Քաղաքացիություն |  Թուրքիա |
| Մասնագիտություն | դիմանկարիչ, վիզուալ արտիստ և նկարազարդող |
| Ժանր | դիմապատկեր |
 Sabiha Bozcalı Վիքիպահեստում | |
Սաբիհա Ռյուշտյու Բոզջալի (թուրքերեն՝ Sabiha Rüştü Bozcalı, 1904[1], Ստամբուլ, Օսմանյան կայսրություն - ապրիլի 12, 1998, Թուրքիա), թուրք նկարչուհի, Թուրքիայի առաջին կին նկարազարդողը։
Կենսագրություն
[խմբագրել | խմբագրել կոդը]Ծնվել է 1904 թվականին հարուստ ընտանիքում։ Սաբիհայի հայրը ծովակալ էր, նրա երկու պապերը նախարարական պաշտոններ են զբաղեցրել[2][3][4]։
Սկսել է նկարել հինգ տարեկանից։ Նկարչության արվեստը նրան սովորեցրել է Ալի Սամի Բոյարը։ 15 տարեկանում նրան ուղարկել են արտասահման սովորելու։ 1928-1929 թվականներին սովորել է Ստամբուլի գեղարվեստի ակադեմիայում[2][3][4]։
1938-1943 թվականներին նա մասնակցել է կառավարական ծրագրին, որի նպատակն էր գրավել Թուրքիայի արդիականացման նշանավորելը, իսկ 1939 թվականին այս ծրագրի շրջանակներում նա այցելել է Զոնգուլդակ[2][3][4]։
1953 թվականից հետո տարբեր հրատարակչությունների համար աշխատել է որպես նկարազարդող, դրանց թվում էին՝ «Milliyet», «Yeni Sabah», «Hergün», «Havadis», «Cumhuriyet» և «Tercüman»: Նրա աշխատանքները օգտագործվել են նաև տարբեր հրատարակությունների նկարազարդման համար, որոնց թվում էին Ռեշատ Էկրեմ Քոչուի գրած «Ստամբուլի հանրագիտարանը», ինչպես նաև նկարազարդել է Նեզիհե Արազի, Ջահիթ Ուչուկի և Ռեֆի Ջևադ Ուլունայի գործերը[2][3][4]։
Նա նկարել է դիմանկարներ, նատյուրմորտներ և բնանկարներ։ Պոլ Սինյակը Սաբիհա Բոզջալին գնահատել է որպես «տաղանդավոր, տիրապետում է նկարչի համար անհրաժեշտ ընկալունակությանը և լիովին նվիրել է իրեն նկարչի ծանր պայմաններին»[2][3][4]։