Ռուզաննա Դանիելյան
| Ռուզաննա Դանիելյան | |
|---|---|
 | |
| Ծնվել է | դեկտեմբերի 26, 1983 (40 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Ազգություն | հայ |
| Կրթություն | Բիլեֆելդի համալսարան (2010) |
| Մասնագիտություն | գրող և ռեժիսոր |
| Կայք | rusannadanielian.com |
 Rusanna Danielian Վիքիպահեստում | |
Ռուզաննա Դանիելյան (դեկտեմբերի 26, 1983, Երևան, Հայկական ԽՍՀ, ԽՍՀՄ), Գերմանիայում բնակվող հայ մեդիամանկավարժ, ռեժիսոր, գրող, հայտնի է իր կարճամետրաժ ֆիլմերով։
Կենսագրություն
[խմբագրել | խմբագրել կոդը]Ռուզաննա Դանիելյանի ընտանիքը Գերմանիա է տեղափոխվել, երբ նա յոթ տարեկան էր։ Բիլեֆելդի համալսարանում ուսանել է մեդիա-մանկավարժություն, որն ավարտել է 2010 թվականին, 2015 թվականին ավարտել է Բեռլինի MetFilm դպրոցը՝ գործնական ֆիլմարտադրություն մասնագիտությամբ: 2019 թվականից հեքիաթներ է գրում երեխաների համար, որոնք հրապարակել է նաև որպես աուդիոգրքեր և աուդիո պիեսներ, դպրոցներում դասավանդում է ստեղծագործական ունակությունների զարգացում և երեխաների հետ իրականացնում մեդիամանկավարժական նախագծեր։
Երիտասարդ հեղինակների դաշնային ասոցիացիայի (գերմ.՝ Bundesverband junger Autoren und Autorinnen) և Ֆանտաստիկ հեղինակների միության (գերմ.՝ Phantastik-Autoren-Netzwerk) անդամ է:
Ստեղծագործական ուղի
[խմբագրել | խմբագրել կոդը]Որպես ռեժիսոր
[խմբագրել | խմբագրել կոդը]Ռուզաննա Դանիելյանի առաջին կարճամետրաժ ֆիլմը նկարահանվել է 2012 թվականին և թողարկվել «Up & Down» վերնագրով։ 2014 թվականին նրա «Երբեմն» կարճամետրաժ ֆիլմը հայտնվել է Մյունխենի կինոդպրոցների միջազգային փառատոնի «Hofbräu Trophy»-ի եզրափակչում[1]:
Ուսումնառության ավարտական ֆիլմը՝ „Unknown Life“ (հայերեն՝ «Անհայտ կյանք»)[2], Հյուսիսային Կարոլինայի կինոմրցանակի ժամանակ արժանացել է Հիմնադիրի մրցանակին, ընտրվել և առաջադրվել է Լոս Անջելեսի «Սպիտակ կետ» միջազգային պատմողական ֆիլմերի փառատոնին, 2018 թվականին՝ Լենսինգի «Capital City Filmfest in Lansing»-ին[3], 2017 թվականի նոյեմբերին՝ Բուխարեստի «Short to the Point» փառատոնի մրցանակի[4]։ Ֆիլմում նկարահանվել է Ալեքսանդր Խաչատրյանը, ով մարմնավորում է Ադամին, ում կյանքը զարմանալի շրջադարձ է ստանում ծննդյան 50-ամյակին: Ֆիլմի երաժշտության հեղինակը Ֆաբիան Բերգհոֆերինն է։
Որոշ այլ կարճամետրաժ ֆիլմեր ներկայացվել են տարբեր մրցանակաբաշխությունների՝ Devirex Most Kissable Lips (2014), Berserk Underground Film Challenge (2014), Instant36 Film (2015, 2018, 2019, 2020, 2021), Caliber 35 ( 2016), Kurz&Knapp Cinema Sports Cup (2016), 99Fire Films Award (2017) և Shut Up! (2020):
Որպես գրող
[խմբագրել | խմբագրել կոդը]Ռուզաննա Դանիելյանի առաջին վեպը՝ «Խաղաղության աշխարհ» (գերմ.՝ Welt des Friedens), լույս է տեսել 2023 թվականին Ռոզ Դանիել կեղծանունով, իսկ շարունակությունը՝ «Խռովքի աշխարհ» (գերմ.՝ Welt des Aufruhrs), լույս է տեսել 2024 թվականին։ Վեպերը հրատարակել է Կերպենի RoseRed հրատարակչությունը։ Ռուզաննա Դանիելյանը հրատարակչության սեփականատերն է, որը հանդիսանում է ինքնահրատարակիչների ասոցիացիայի անդամ[5]։ Նրա մանկական գրքերը, որոնք նախկինում հրատարակվել են որպես աուդիո գրքեր, 2024 թվականին տպագրվել են պատկերազարդ հրատարակությամբ։ Պատկերագրքերը նկարազարդել են հայ նկարիչներ։ Մանկական գրքերը գերմաներեն հրատարակվում են Կերպենի Fantasyinsel հրատարակչության կողմից, որը պատկանում է հեղինակին[6], հայերեն՝ Հայաստանում, «Արևիկ» հրատարակչության կողմից։
Հրապարակումներ (ընտրանի)
[խմբագրել | խմբագրել կոդը]- Welt des Friedens – Wie viel bist du wert? RoseRed Verlag, Kerpen 2023, ISBN 978-3-910729-05-6.
- Welt des Aufruhrs – Wie frei kannst du sein? RoseRed Verlag, Kerpen 2023, ISBN 978-3-910729-03-2.
- Courgetta Blue - Die kleine Blaubeer-Zucchini. Fantasieinsel Verlag, Kerpen 2024, ISBN 978-3-910729-06-3. նկարազարդումը՝ Անի Կոստանդյանի․
- Հայերեն հրատարակություն․ Կորժետա Բլու. փոքրիկ հապալասադդմիկը. «Արևիկ» հրատարակչություն, Երևան 2024, ISBN 978-5-8077-0935-6[7].
- Paulus, der alte Storch - Auf besonderer Mission. Fantasieinsel Verlag, Kerpen 2024, ISBN 978-3-910729-07-0. նկարազարդումը՝ Նաիրա Ահարոնյանի։
- Հայերեն հրատարակություն․ Ծեր արագիլ Փաուլուսն ու իր առաքելությունը. «Արևիկ» հրատարակչություն, Երևան 2024, ISBN 978-5-8077-0936-3[8].
- Rupie, das 100. Schaf: Abenteuer im Schlummerland. Fantasieinsel Verlag, Kerpen 2024, ISBN 978-3-910729-08-7. նկարազարդումը՝ Լուսինե Խանդիլյանի.
- Հայերեն հրատարակություն․ Ռուպին՝ 100-րդ ոչխարը Արկածներ Անուրջների աշխարհում. «Արևիկ» հրատարակչություն, Երևան 2024, ISBN 978-5-8077-0938-7.
Ծանոթագրություններ
[խմբագրել | խմբագրել կոդը]- ↑ Broschüre des 34. Internationalen Festivals der Filmhochschulen. Seite 14 (PDF)
- ↑ «Unknown Life | GoldPoster Movie Poster Gallery». GoldPoster (ամերիկյան անգլերեն). Վերցված է 2024-11-18-ին.
- ↑ Programm des Capital City Filmfests 2018
- ↑ November 2017 Nominees bei Short to the Point
- ↑ RoseRed Verlag auf rosered-verlag.de
- ↑ Fantasieinsel Verlag auf fantasieinsel.de
- ↑ «Korjeta Blu». Fantasieinsel-Verlag (գերմաներեն). Վերցված է 2024-11-18-ին.
- ↑ «Tser aragil Paulusn». Fantasieinsel-Verlag (գերմաներեն). Վերցված է 2024-11-18-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ռուզաննա Դանիելյան» հոդվածին։ |
| ||||||
