Ջուլի և Ջուլիա։ Պատրաստենք երջանկություն բաղադրատոմսով

Ջուլի և Ջուլիա։ Պատրաստենք երջանկություն բաղադրատոմսով անգլ.՝ Julie & Julia
Երկիր	ԱՄՆ
Ժանր	կենսագրական ֆիլմ, հումորային դրամա, ռոմանտիկ կատակերգություն և դրամա
Թեմա	Ջուլիա Չայլդ
Հիմք	Իմ կյանքը Ֆրանսիայում և Julie & Julia: 365 Days, 524 Recipes, 1 Tiny Apartment Kitchen?
Թվական	սեպտեմբերի 3, 2009[1], հոկտեմբերի 15, 2009[2] և 2009
Լեզու	ֆրանսերեն և անգլերեն
Ռեժիսոր	Նորա Էֆրոն[3][4][5][…]
Պրոդյուսեր	Լորենս Մարկ, Նորա Էֆրոն, Էմի Ռոբինսոն և Eric Steel?
Սցենարի հեղինակ	Նորա Էֆրոն, Ջուլի Փաուել, Ջուլիա Չայլդ և Alex Prud'homme?
Դերակատարներ	Մերիլ Սթրիփ[3][4][6][…], Էմի Ադամս[3][5][6][…], Սթենլի Տուչի[3][4][7][…], Քրիստ Մեսինա[4][7][8][…], Մերի Լին Ռայսկաբ[7], Ջեյն Լինչ[7], Վանեսա Ֆերլիտո[7], Քեյսի Ուիլսոն[7], Ֆրենսիս Շտեռնհագեն[9], Jillian Bach?[7], Լինդա Էմոնդ, Լյուկ Պելան, Joan Juliet Buck?, George Bartenieff?, Brooks Ashmanskas?, Remak Ramsay?, Diane Kagan?, Էրիկ Շեֆեր Սթիվենս, Brian Avers?, Stephen Bogardus?, Բայրոն Ջենինգս, Kelly AuCoin?, Richard Bekins?, Մարսելին Հյուգո, Ռեմի Ռուբախա, Erin Dilly?, Amanda Hesser?, Maryann Urbano?, Robert Emmet Lunney?, Simon Feil?, Darin De Paul? և Helen Coxe?
Օպերատոր	Սթիվեն Գոլդբլաթ
Երաժշտություն	Ալեքսանդր Դեպլա
Մոնտաժ	Ռիչարդ Մարքս
Պատմվածքի վայր	Նյու Յորք, Փարիզ, Մարսել և Plittersdorf?
Նկարահանման վայր	Նյու Յորք, Նյու Ջերսի և Փարիզ
Կինոընկերություն	Columbia Pictures
Տևողություն	123 րոպե

«Ջուլի և Ջուլիա։ Պատրաստենք երջանկություն բաղադրատոմսով» (անգլ.՝ Julie & Julia), 2009 թվականի ամերիկյան գեղարվեստական ֆիլմ, ռեժիսոր Նորա Էֆրոնի կենսագրական ֆիլմը Ջուլի Փաուելի հուշագրությունների հիման վրա, որը հրատարակվել է 2005 թվականին «Julie and Julia: 365 Days, 524 Recipes, 1 Tiny Apartment Kitchen» գրքով։ Գիրքն ստեղծվել է նրա սեփական բլոգում արված գրառումների հիման վրա։ ԱՄՆ-ում առաջին ցուցադրությունը տեղի է ունեցել 2009 թվականի օգոստոսի 7-ին։

Ջուլի Փաուելը (Էմի Ադամս) սկսնակ գրող է, Lower Manhattan Development Corporation’s-ում աշխատում է որպես զանգերի օպերատոր՝ սեպտեմբերի 11-ի ահաբեկչական հարձակումներից տուժածներին օգնություն ցուցաբերելով։ Մասնագիտությամբ խմբագիր ամուսնու հետ նա տեղափոխվում է նոր վայր, որպեսզի մոտիկ լինի աշխատանքին՝ իր հետ տանելով նաև մի քանի խոհարարական գրքեր։ Դրանցից մեկը Ջուլիա Չայլդի (Մերիլ Սթրիփ) «Ֆրանսիական խոհանոցի յուրացման արվեստը» հայտնի գիրքն էր։ Մի անգամ ռեստորանում ճաշի ժամանակ, տեսնելով իր հաջողակ ընկերուհիներին, Ջուլին հասկանում է, որ իր մոտ ամեն ինչ հասարակ է։ Նա որոշում է բլոգ վարել, որպեսզի ցրվի աշխատանքից և զբաղվի սիրելի գործով՝ խոհարարությամբ, ինչպես նաև մշական ընթերցողներ ունենա։ Ջուլին բլոգում սկսում է նկարագրել իր կյանքը և նպատակը, որը դրել էր իր առաջ՝ մեկ տարում պատրաստել Ջուլիա Չայլդի գրքի բոլոր 524 ճաշատեսակները՝ «ռիսկի դնելով իր ամուսնությունը և կատվի բարեկեցությունը»։

Ֆիլմում միաժամանակ ցուցադրվում են 1940-1950-ական թվականները, երբ Ջուլիա Չայլդը և նրա դիվանագետ ամուսին Փոլը ապրում են Փարիզում՝ կոմունիստներին աջակցության մեջ կասկածի տակ լինելով սենատոր Ջոզեֆ Մաքարթիի կողմից։ Սա Ջուլիայի խոհարարական գործունեության սկիզբն է։

Ռեժիսորը մանրամասն ընդգծել է պետական ծառայողների՝ «դժգույն, միապաղաղ առօրյայի» խնդիրների լուծման նմանությունը, որին բախվում են ինչպես Ջուլին, այնպես էլ Ջուլիան։ Երկու կանայք էլ իրենց ամուսինների աջակցությունն են ստանում, թեպետ ինչ-որ պահի Ջուլի Փաուելի ամուսինը հավասարակշռությունից դուրս է գալիս հոբբիին այդ աստիճանի նվիրվածությունից և մի քանի օրով թողնում է կնոջը։

Վերջիվերջո Ջուլիի բլոգի մասին գրում են «Նյու Յորք Թայմզում» և նա ի վերջո ստանում է լրագրողների, գրական գործակալների և հրատարակչությունների արժանի ուշադրությունը, ինչպես նաև Ջուլիա Չայլդի քամահրական արձագանքը. «Օ՜, դա ժամանակի անիմաստ վատնում է»,-ասում է նա։ Գրքի հրատարակումից հետո ցուցադրվում է եզրափակիչ տեսարանը, որտեղ Ջուլին ուրախալի իրադարձությունը նշում է ամուսնու հետ։

• Ռեժիսոր՝ Նորա Էֆրոն
• Սցենարիստ՝ Նորա Էֆրոն
• Ջուլի Փաուելի «Julie & Julia» գրքի հիման վրա
• Ջուլիա Չայլդի և Ալեքս Պրյուդոմի «My Life in France» գրքի հիման վրա
• Պրոդյուսերներ՝ Լոուրենս Մարկ, Էմի Ռոբինսոն, Էրիկ Սթիլ, Նորա Էֆրոն
• Գործադիր պրոդյուսերներ՝ Դոնալդ Ջ. Լի կրտսեր, Սքոթ Ռուդին, Դանա Սթիվենս
• Կոմպոզիտոր՝ Ալեքսանդր Դեպլա
• Օպերատոր՝ Սթիվեն Գոլդբլատ
• Մոնտաժ՝ Ռիչարդ Մարքս
• Բեմադրող նկարիչ՝ Մարկ Ռիքեր
• Արտադրություն՝ Rudin Productions
• Վարձույթ՝ Columbia Pictures (ԱՄՆ) և Sony Pictures

Սա եղել է առաջին լիամետրաժ ֆիլմը որի հիմքում ընկած են եղել բլոգային գրառումներ^[10]։ 2002 թվականին համացանցային բլոգները նորություն էին, ինչի շնորհիվ Ջուլի Փաուելի բոլգը մեծ ճանաչում է նվաճել։

Սկզբնապես նախատեսվել է ֆիլմ նկարահանել Պոլ և Ջուլիա Չայլդերի մասին՝ հիմնված Ջուլիայի «Իմ կյանքը Ֆրանսիայում» գրքի վրա, սակայն Ջուլի Փաուելի գրքի հրատարակումից հետո ռեժիսորը որոշել է միավորել երկու ամուսնական զույգերի պատմությունը։ Նկարահանումները տեղի են ունեցել Նյու Յորքում և Հոբոկենի երկաթուղային կայարանում (Նյու Ջերսի)։ Իրական Ջուլի Փաուելը մասնակցություն է ունեցել ֆիլմի սցենարը գրելուն։ Մերիլ Սթրիփը 15 սանտիմետր կարճահասակ է եղել իր հերոսուհուց, այդ իսկ պատճառով ֆիլմի հեղինակները փորձել են նրան ավելի բարձրահասակ դարձնել օպերատորական և հանդերձային հնարքների միջոցով^[11]։

Այս ֆիլմում դերի համար դերասանուհի Մերիլ Սթրիփն արժանացել է «Ոսկե գլոբուս» մրցանակի՝ որպես լավագույն կինոդերասանուհի։

• Ջուլիա Չայլդ

• Оригинальный блог. (անգլ.) — 11.01.2010.
• Блог Джули Пауэлл. (անգլ.) — 11.01.2010.

• Андреев К. Кушать подано(չաշխատող հղում) // Рецензии Фильм.ру, 23.11.2009. — 11.01.2010.
• Волобуев Р. «Крестный отец-2» про готовку // «Афиша». Кинорецензии. 30 сентября 2009. — 11.01.2010.
• Зинцов О. Мусик и гусик(չաշխատող հղում) // «Ведомости». № 192 (2462), 12.10.2009. — 11.01.2010.
• Марантиди Л. «Джули и Джулия: готовим счастье по рецепту» (рецензия) // Рецензии Кино-театр.ру. 21 октября 2009. — 11.01.2010.
• Наринская А. Задушевная пища // «Weekend» (приложение к газете «Коммерсантъ»). № 39 (135), 09.10.2009. — 11.01.2010.
• Kinovel «Джули и Джулия: готовим счастье по рецепту» в блогах // Рецензии VelikoKino.ru, 09.04.2010. — 09.04.2010.
• Denby D. Americans in Paris // «The New Yorker». August 24, 2009. (անգլ.) — 11.01.2010.
• Morgenstern J. ‘Julie & Julia’ Is Two Half Loaves // «The Wall Street Journal». August 7, 2009. (անգլ.) — 11.01.2010.
• Scott A. O. Two for the Stove // «The New York Times». August 7, 2009. (անգլ.) — 11.01.2010.

Թեմատիկ կայքեր AllMovie · AlloCiné · Box Office Mojo · ČSFD · FilmAffinity · Internet Movie Database · Metacritic · Rotten Tomatoes · AFI լիամետրաժ ֆիլմերի կատալոգ Բառարաններ և հանրագիտարաններ Բրիտանիկա