Չեզարե Մալդինի

Չեզարե Մալդինի; Cesare Maldini
	Չեզարե Մալդինին 1969 թվականին
Անձնական տվյալներ
Ամբողջական անուն	Չեզարե Մալդինի
Ազգությունը	իտալացի
Քաղաքացիությունը	Իտալիա
Ծննդյան ամսաթիվ	փետրվարի 5, 1932
Ծննդավայր	Տրիեստ, Իտալիա
Մահվան ամսաթիվ	ապրիլի 3, 2016 (84 տարեկան)
Մահվան վայր	Միլան, Իտալիա
Հասակ	1.83 սմ
Քաշ	76 կգ
Դիրք	պաշտպան
Պատանեկան կարիերա
Մասնագիտական կարիերա*
Ազգային հավաքական
Մարզչական կարիերա
1970–1972	Միլան (մարզչի օգնական)
1972–1974	Միլան
1974–1976	Ֆոջջիա
1976–1977	Տերնանա
1978–1980	Պարմա ՖԱ
1980–1986	Իտալիա (մարզչի օգնական)
1986–1996	Իտալիա Մ21
1996–1998	Իտալիա
2001	Միլան
2001–2002	Պարագվայ
	* Մասնագիտական կարիերայում ընդգրկված են միայն առաջնության խաղերը և գոլերը:;

Չեզարե Մալդինին (իտալ.՝ Cesare Maldini, փետրվարի 5, 1932(1932-02-05)^[1]^[2], Տրիեստ, Իտալիա - ապրիլի 3, 2016(2016-04-03)^[3]^[2], Միլան, Իտալիա^[3]), իտալացի պրոֆեսիոնալ ֆուտբոլային մարզիչ և ֆուտբոլիստ է, խաղացել է պաշտպանի դիրքում, Պաոլո Մալդինիի հայրն է։

Չեզարեն իր կարիերան սկսեց իտալական Տրեստինա ակումբում, նախքան Միլան տեղափոխվելը (1954 թ.) , որի հետ նա նվաճել է չորս Սերիա Ա-ի տիտղոս և մեկ Չեմպիոնների լիգայի գավաթ՝ ակումբում անցկացրած տասներկու տարիների ընթացքում։ Մալդինին ևս մեկ մրցաշրջան (1966-1967 թթ.) անցկացրել է Թուրինի Տորինոյում։ 1962 թվականին, Իտալիայի հավաքականի հետ մասնակցել է Աշխարհի առաջնությանը։ Ընդհանուր առմամբ, հավաքականում անցկացրել է տասնչորս խաղ։ Ինչպես Միլանում, այնպես էլ հավաքականում կրել է ավագի թևկապը։

Որպես մարզիչ՝ Մալդինին, գլխավորել է իր նախկին ակումբը՝ Միլանը, ինչպես նաև մարզել է իտալական Ֆոջջիա, Տերնանա և Պարմա ֆուտբոլային ակումբները։ Նվաճել է Եվրոպայի ֆուտբոլի մինչև 21 տարեկանների առաջնությունը՝ Իտալիայի Մ21 տարեկանների հավաքականի հետ, ռեկորդային երեք անգամ անընդմեջ։ Մարզել է նաև Իտալիայի ֆուտբոլի ազգային հավաքականը 1996-1998 թվականներին, և Պարագվայի ֆուտբոլի ազգային հավաքականը 2002 թվականի ՖԻՖԱ Աշխարհի գավաթի խաղարկության ընթացքում։

Անձնական կյանք

Չեզարեն նավաստի Ալբինո Մալդինիի և Մարիայի որդին է, ծնվել է Իտալիայի Ֆրիուլի-Վենեցիա-Ջուլի�� նահանգի Տրիեստե բնակավայրում։ Մայրը սլովենացի էր։ Հոր արմատները Պադուայից են։ Չեզարե Մալդինին ամուսնացել է Մարիա Լուիսայի (Marisa; née Mazzucchelli, 1939–2016 թթ.) հետ 1962 թվականին։ Նրանք ունեն վեց երեխա՝ երեք որդի և երեք դուստր։ Որդիներից մեկը՝ Պաոլո Մալդինին ունեցել է հաջող ֆուտբոլային կարիերա Միլանում և Իտալիայում։ Հինգ անգամ (1989, 1990, 1994, 2003, 2007 թթ) նվաճել է Չեմպիոնների լիգայի գավաթը, երկու անգամ (2003, 2007 թթ) որպես ավագ։ Զբաղեցնում է երրորդ տեղը Իտալիայի ֆուտբոլի ազգային հավաքականում անցկացրած խաղերի քանակով՝ զիջելով միայն Ջանլուիջի Բուֆֆոնին և Ֆաբիո Կանավառոին։ Չեզարե Մալդինիի թոռներ Քրիստիանը (հունիսի 14, 1996 թ.) և Դանիելը (հոկտեմբերի 12, 2001 թ.) (Պաոլո Մալդինիի որդիները) Միլանի երիտասարդական ակումբի ֆուտբոլիստներ են։

Ակումբային կարիերա

Մալդինին իր խաղային կարիերան սկսել է 1952 թվականին Տրեստինա ակումբում։ Դեբյուտային խաղը եղել է Պալերմոյի դեմ՝ 1953 թ. մայիսի 24-ին, որն ավարտվեց 0-0 հաշվով։

Տրեստինայում անցկացրած երկու մրցաշրջանից հետո նա տեղափոխվեց Միլան՝ որտեղ սկսեց հաջողությունների հասնել և դառնալ թիմի կարևորագույն խաղացողներից մեկը։ Մալդինին Միլանի կազմում անցկացրած իր դեբյուտային մրցաշրջանում դարձավ Իտալիայի առաջնության հաղթող։ Այդ ժամանակաշրջանի Միլանի կազմում ընդգրկված էին այնպիսի մեծանուն խաղացողներ ինչպիսիք են՝ Լորենցո Բուֆֆոնը, Ֆրանչեսկո Ձագատտին, Նիլս Լիդհոլմը, Գուննար Նորդալը և Ժուան Ալբերտո Շաֆֆինոն։ 1961 թվականին Մալդինին դարձավ Միլանի ավագը, իսկ նրա հեռանալուց հետո կապիտանի պարտականություններն իր վրա վերցրեց Ջաննի Ռիվերան։ Միլանի կազմում Մալդինին հաղթեց նաև «Կոպա Լատինան»։ 1963 թ. մայիսի 22-ին անգլիական Ուեմբլի մարզադաշտում Գավաթակիրների գավաթի խաղարկության շրջանակներում (Չեմպիոնների լիգա) Ժոզե Ալտաֆինիի դուբլի շնորհիվ Միլանը հաղթեց Բենֆիկային (2-1) և առաջին անգամ իր պատմության ընթացքում դարձավ եվրագավաթային մրցաշարի հաղթող, իսկ Մալդինին դարձավ առաջին իտալացի կապիտանը, ով իր գլխավերևում պահեց այդ գավաթը։ Ընդհանուր առմամբ Մալդինին Միլանի կազմում անցկացրեց 412 խաղ, որից 347 խաղը Սերիա Ա-ում, և դարձավ 3 գոլի հեղինակ` թույլ չտալով գրեթե ոչ մի դիրքային սխալ։

1966 թվականին տեղափոխվեց Տորինո` որտեղ էլ,1967 թվականի մայիսի 28-ին Նապոլիի դեմ խաղում (2-1 հօգուտ Նապոլիի) ավարտեց իր ֆուտբոլիստի կարիերան։

Վիճակագրություն

Ակումբային

Մրցաշրջան	Ակումբ	Ազգային առաջնություն			Երկրի գավաթ			Եվրագավաթներ			Այլ մրցաշարեր			Ընդհանուր
Մրցաշրջան	Ակումբ	Մրց.	Խաղեր	Գոլեր	Մրց.	Խաղեր	Գոլեր	Մրց.	Խաղեր	Գոլեր	Մրց.	Խաղեր	Գոլեր	Խաղեր	Գոլեր
1952-1953	Տրեստինա	Ա	1	0	-	-	-	-	-	-	-	-	-	1	0
1953-1954	Տրեստինա	Ա	31	0	-	-	-	-	-	-	-	-	-	31	0
Ընդհանուր Տրեստինա			32	0		-	-		-	-		-	-	32	0
1954-1955	Միլան	Ա	27	1	-	-	-	-	-	-	ԿԼ	1	0	28	1
1955-1956		Ա	22	0	-	-	-	ԳԳ	6	0	ԿԼ	2	0	30	0
1956-1957		Ա	21	1	-	-	-	-	-	-	ԿԼ	2	0	23	1
1957-1958		Ա	32	0	ԻԳ	3	0	ԳԳ	8	0	-	-	-	43	0
1958-1959		Ա	34	0	ԻԳ	1	0	-	-	-	ԲԳ	1	0	36	0
1959-1960		Ա	29	0	ԻԳ	-	-	ԻԳ	4	0	ԲԳ	1	0	34	0
1960-1961		Ա	30	0	ԻԳ	2	0	-	-	-	ԲԳ	2	0	34	0
1961-1962		Ա	34	1	ԻԳ	-	-	ԸՄ	2	0	ԲԳ	-	-	36	1
1962-1963		Ա	31	0	ԻԳ	1	0	ԳԳ	9	0	ԲԳ	2	0	43	0
1963-1964		Ա	22	0	ԻԳ	1	0	ԳԳ	3	0	ՄԳ	3	0	29	0
1964-1965		Ա	34	0	ԻԳ	-	-	ԸՄ	2	0	-	-	-	36	0
1965-1966		Ա	31	0	ԻԳ	1	0	ԸՄ	8	0	-	-	-	40	0
Ընդհանուր Միլան			347	3		9	0		42	0		14	0	412	3
1966-1967	Տորինո	Ա	33	0	ԻԳ	3	0	-	-	-	ԱԳ	3	0	39	0
Ընդհանուր կարիերա			412	3		12	0		42	0		17	0	451	3

Ազգային


Տարեթիվ	Քաղաք	Հյուրընկալող երկիր	Արդյունք	Հյուրընկալվող երկիր	Մրցաշար	Գոլեր	Նշումներ
6-1-1960	Նեապոլ	Իտալիա	3-0	Շվեյցարիա	Միջազգային գավաթ	-
25-4-1961	Բոլոնյա	Իտալիա	3-2	Հյուսիսային Իռլանդիա	Ընկերական խաղ	-
15-10-1961	Թել Ավիվ	Իսրայել	2-4	Իտալիա	Ֆուտբոլի աշխարհի 1962 թ. առաջնության ընտրական փուլ	-
4-11-1961	Թուրին	Իտալիա	6-0	Իսրայել	Ֆուտբոլի աշխարհի 1962 թ. առաջնության ընտրական փուլ	-
5-5-1962	Ֆլորենցիա	Իտալիա	2-1	Ֆրանսիա	Ընկերական խաղ	-
31-5-1962	Սանտյագո	Իտալիա	0-0	Գերմանիա	ՖԻՖԱ Աշխարհի առաջնություն 1962	-
7-6-1962	Սանտյագո	Իտալիա	3-0	Շվեյցարիա	ՖԻՖԱ Աշխարհի առաջնություն 1962	-
11-11-1962	Վիեննա	Ավստրիա	1-2	Իտալիա	Ընկերական խաղ	-	Ավագ
2-12-1962	Բոլոնյա	Իտալիա	6-0	Թուրքիա	Ֆուտբոլի Եվրոպայի 1964 թ. առաջնության ընտրական փուլ	-	Ավագ
27-3-1963	Ստամբուլ	Թուրքիա	0-1	Իտալիա	Ֆուտբոլի Եվրոպայի 1964 թ. առաջնության ընտրական փուլ	-	Ավագ
12-5-1963	Միլան	Իտալիա	3-0	Բրազիլիա	Ընկերական խաղ	-	Ավագ
9-6-1963	Վիեննա	Ավստրիա	0-1	Իտալիա	Ընկերական խաղ	-	Ավագ
13-10-1963	Մոսկվա	ԽՍՀՄ	2-0	Իտալիա	Ֆուտբոլի Եվրոպայի 1964 թ. առաջնության ընտրական փուլ	-	Ավագ