Նուրիցա Մաթոսյան
Նուրիցա Մաթոսյան | |
|---|---|
| Ծնվել է | ապրիլի 24, 1945[1][2] (79 տարեկան) |
| Մասնագիտություն | լրագրող, գրող և դերասանուհի |
| Քաղաքացիություն |  Հայաստան |
Նուրիցա Մաթոսյան (ապրիլի 24, 1945[1][2]), ծագումով հայ բրիտանակիպրացի գրող, դերասանուհի, հաղորդավար և իրավապաշտպան[3]։ Նա գրում է արվեստի, ժամանակակից երաժշտության, պատմության և Հայաստանի մասին[4]։
Կենսագրություն
[խմբագրել | խմբագրել կոդը]Մաթոսյանը հրատարակել է հույն կոմպոզիտոր Յանիս Քսենակիսի առաջին կենսագրությունը և քննադատական ուսումնասիրությունը, նրա կյանքի, ճարտարապետության և երաժշտության վերաբերյալ տեղեկատու գիրքը, որը հիմնված է նրա հետ տասնամյա համագործակցության վրա։ Ավելի ուշ դրա հիման վրա Մաթոսյանը BBC2-ի համար ստեղծեց 50-րոպեանոց վավերագրական ֆիլմ, որը վերնագրվել է «Something Rich and Strange»[5][6]:
Մաթոսյանի 1998 թվականի «Սև հրեշտակ, Արշիլ Գորկու կյանքը» գիրքը գրվել է քսան տարվա հետազոտությունից հետո։ Ատոմ Էգոյանի և Միրամաքսի մրցանակակիր «Արարատ» ֆիլմը մասամբ ոգեշնչված է «Սև հրեշտակով»։ Մաթոսյանը հանդես է եկել որպես Էգոյանի խորհրդատու, որը նրա կերպարով է մոդելավորել գլխավոր կին կերպարին՝ Անիին։ Մաթոսյանը նաև պատկերներով և երաժշտությամբ մենաներկայացում է գրել և ներկայացրել Արշիլ Գորկու կյանքի մասին՝ նրա չորս սիրելի կանանց տեսանկյունից։ Այն բեմադրվել է ամբողջ աշխարհում ավելի քան 80 անգամ, այդ թվում՝ Barbican Centre-ում, Tate Modern-ում, Լոնդոնում, Նյու Յորքում, Լոս Անջելեսում, Էդինբուրգի փառատոնում, Կիպրոսում, Փարիզում, Լիբանանում, Իրանում, Ռումինիայում և Վրաստանում։ Հայաստանում բեմադրությունը ներկայացվել է միաժամանակ երկու լեզվով[3][6]։
Մաթոսյանը հաղորդումներ է վարում BBC-ով և համագործակցում է մի քանի թերթերի ու ամսագրերի, այդ թվում՝ The Independent-ի, The Guardian-ի, The Economist-ի և The Observer-ի հետ։ 1991-2000 թվականներին եղել է Լոնդոնում Հայաստանի դեսպանության մշակույթի պատվավոր կցորդը[3][6]։
Մանկությունն անցկացրել է Կիպրոսում՝ իր հայկական ընտանիքի հետ։ Կրթություն ստանալով Անգլիայում՝ նա գերազանցությամբ ավարտել է Լոնդոնի համալսարանի Բեդֆորդի քոլեջի փիլիսոփայության ֆակուլտետը, այնուհետև սովորել է երաժշտություն, թատերական արվեստ և մնջախաղ Դարթինգթոնում և Փարիզում։ Տիրապետում է ինը լեզվի[3][6]։
Ամուսնացած է կոմպոզիտոր Ռոլֆ Գելհարի հետ։ Նրանց որդին արտադրանքի դիզայներ և երաժշտության մասնագետ Վահագն Մաթոսյան-Գելհարն է[3][6]։
Հրապարակումներ
[խմբագրել | խմբագրել կոդը]- Մենագրություններ
- Iannis Xenakis Fayard, Paris, 1981
- Xenakis, Kahn & Averill, London 1985, 1991, paperback; Pro Am, NY.
- Xenakis, Moufflon Publications, Cyprus, 2005
- Black Angel, The Life of Arshile Gorky Chatto & Windus, Random House, 1998; Pimlico
Ծանոթագրություններ
[խմբագրել | խմբագրել կոդը]- ↑ 1,0 1,1 NUKAT — 2002.
- ↑ 2,0 2,1 Trove — 2009.
- ↑ 3,0 3,1 3,2 3,3 3,4 Modern Greek studies yearbook University of Minnesota. Modern Greek Studies Program - Foreign Language Study - 1987 - Page 421
- ↑ Portraits of hope: Armenians in the contemporary world Huberta von Voss - 2007 - Page 275
- ↑ «Nouritza Matossian Narozeniny, Datum narození | DayReplay.com». cs.dayreplay.com. Վերցված է 2022 թ․ հունիսի 24-ին.
- ↑ 6,0 6,1 6,2 6,3 6,4 Nouritza Matossian
| ||||||||||||
