Նորա Արմանի

Նորա Արմանի; ֆր.՝ Nora Armani
	Նորա Արմանին «Մերսեդես» ներկայացման ժամանակ, 2015
Ծնվել է	օգոստոսի 31, 1956 (68 տարեկան)
Ծննդավայր	Գիզա, Եգիպտոս
Կրթություն	Լոնդոնի տնտեսության և քաղաքական գիտությունների դպրոց, Լոս Անջելեսի կալիֆոռնյան համալսարան և Կահիրեի ամերիկյան համալսարան
Քաղաքացիություն	Ֆրանսիա ; ԱՄՆ
Ազգություն	հայ
Մասնագիտություն	դերասանուհի, սցենարիստ և կինոռեժիսոր

Նորա Արմանի (իսկական ազգանունը Էքսերջյան, օգոստոսի 31, 1956(1956-08-31), Գիզա, Եգիպտոս), թատրոնի և կինոյի հայազգի դերասանուհի, ռեժիսոր^[1], Գաբրիել Սունդուկյանի անվան ազգային ակադեմիական թատրոնի պատվավոր անդամ, Երևանյան թատերական փառատոնի դափնեկիր։

Կենսագրություն

Նորա Արմանին ծնվել է Կահիրեում։ Սովորել է Կահիրեի Նուբարյան ազգային վարժարանում, այնուհետև հաճախել է անգլիական դպրոց։ Ավարտել է Կահիրեի Ամերիկյան համալսարանը՝ ուսանելով սոցիոլոգիա և թատրոն։ Այնուհետև սովորել է Լոնդոնի տնտեսության և քաղաքական գիտությունների դպրոցում (London School of Economics)։ Թատերական կրթությունը ստացել է Լոնդոնի դրամատիկական արվեստի թագավորական ակադեմիայում‘ (RADA), Կալիֆոռնիայի համալսարանում (UCLA)։ Հետևել է տարբեր թատերական ծրագրերի Փարիզում և Լոնդոնում, աշխատակցելով Իրինա Բրուքի և նրա հոր աշակերտ՝ Յոշի Օիդայի հետ, Արիան Մնուշկինի (Theatre du Soleil) հետ։

1974 թվականից համատեղ ելույթներ է ունեցել դերասան-բեմադրիչ Ժիրայր Փափազյանի հետ, որի հետ ամուսնացել է 1977 թվականին։ Միասին հանդես են գալիս «Արարատյան կայան» ներկայացումում հայերեն, անգլերեն և ֆրանսերեն լեզուներով^[2]։ Փարիզում հաստատվելուց հետո հիմնել է «Բարև» կինոընկերությունը, նկարահանել «Հայֆա» շարժանկարը։ Ելույթներ է ունեցել Սիդնեյի օպերային թատրոնի բեմում, Մետրոպոլիտեն թանգարանում, Լոնդոնի Ռիվերսայթ ստուդիաներում, Կահիրեի օպերայում։ 1993 թվականից Գաբրիել Սունդուկյանի անվան ազգային ակադեմիական թատրոնի պատվավոր անդամ է։

Գլխավոր դերեր է ստանձնել անգլիական BBC, եգիպտական TV և ամերիկյան CWTV հեռուստաընկերությունների հեռուստասերիալներում։ Նկարահանվել է բազմաթիվ կարճամետրաժ և լիամետրաժ ֆիլմերում։

Նյու Յորքում բեմադրել է Վիլյամ Սարոյանի, Ագնես Ժաուի, Ժան Պիեռ Բակրիի, Ալեքսանդր Դյումայի ստեղծագործությունները, Սարոյանը՝ նաև Երևանում։ Նրա գրությունները և բանաստեղծությունները հրատարակվել են տարբեր հավաքածուներում։ «Բազմոցի վրա՝ Նորա Արմանիի հետ» և «Ինձ մի ինքնություն փոխ տվեք, էլի» գործերը ձայնասփռվել են Ֆրանսիական ռադիոյով և Նյու Յորքի համալսարանում։ Ապրում և ստեղծագործում է Նյու Յորքում՝ ամուսնու՝ Արետ Սբենջյանի հետ, ծրագրերով ��անդես է գալիս Փարիզում և Երևանում^[3]։

Ֆիլմեր

«Վարդագույն փիղ», 1988
Ժամկետը՝ յոթ օր, 1991
Վերջին կայարան, 1994
Լաբիրինթոս, 1995
«Աննա Տերյան», 1995
Le coeur à l'ouvrage, 2000
Echek, 2000
«Քեռի Պի» (ԱՄՆ), 2007
«Հարևան, հարևանուհի», 2005
«Սանտա Կլաուսը Բաղդատում», 2008
«Ֆուգան»
«Մարկո Պոլո»
«Սեղան 5-ի համար»
«Լավագույն պաշտպանությունը»

Դերեր թատրոնում

«Մերսեդես», Երևանի պատանի հանդիսատեսի թատրոն^[4]^[5]
«Արժանապատվության մարդը»
«Անտոնիոս և Կլեոպատրա»

Պարգևներ, մրցանակներ

«Արծաթե աստղ» մրցանակ, 1987
Հարավային Կալիֆոռնիայի «Ոսկե Աստղ Հալո» մրցանակ
Լոս Անջելեսի «Կալիֆոռնիայի դրամա-Լոկ»ի (թատրոնի Օսկարն է համարվում) մրցանակ (2)
Սիունիկի կինոփառատոնի լավագույն դերասանուհու մրցանակ

Ծանոթագրություններ

↑ Նորա Արմանի. Սիրո մասին՝ ժեստերով
↑ Ա. Բախչինյան, «Հայազգի գործիչներ».
↑ «Նորա Արմանի». Արխիվացված է օրիգինալից 2016 թ․ մարտի 4-ին. Վերցված է 2015 թ․ ապրիլի 29-ին.
↑ Ներկայացման պրեմիերա՝ Պատանի հանդիսատեսի թատրոնում
↑ «Հայ հանդիսատեսն ավելի պահանջկոտ է և զարգացած». Նորա Արմանի

Արտաքին հղումներ

Վիքիպահեստն ունի նյութեր, որոնք վերաբերում են «Նորա Արմանի» հոդվածին։

[1] Նորա Արմանի. Սիրո մասին՝ ժեստերով

[2] Ա. Բախչինյան, «Հայազգի գործիչներ».

[3] «Նորա Արմանի». Արխիվացված է օրիգինալից 2016 թ․ մարտի 4-ին. Վերցված է 2015 թ․ ապրիլի 29-ին.

[4] Ներկայացման պրեմիերա՝ Պատանի հանդիսատեսի թատրոնում

[5] «Հայ հանդիսատեսն ավելի պահանջկոտ է և զարգացած». Նորա Արմանի

[1]