Մոսկվայի Մ.Լ. Միլի անվան ուղղաթիռային գործարան

Մոսկվայի Մ.Լ. Միլի անվան ուղղաթիռային գործարան Московский вертолётный завод имени М. Л. Миля
Տեսակ	Բաժնետիրական ընկերություն
Հիմնադրված է	1947
Հիմնադիր	Mikhail Mil?
Վայր	Մոսկվայի մարզ, Լյուբերեցկի շրջան, Տոմիլինո քաղաքատիպ ավան
Երկիր	Ռուսաստան
Արդյունաբերություն	Ավիատիեզերական տեխնիկա և մեքենաշինություն
Արտադրանք	ուղղաթիռներ
Ծառայություններ	մեքենաշինություն
Ընդհանուր ակտիվներ	16,7 մլրդ ₽ (2017)[1]
Հասույթ	2,638 մլրդ ռուբլի (2010 թվական)[2]
Զուտ շահույթ	921,7 մլն ռուբլի (2010 թվական)[2]
Աշխատողների թիվ	3246 (2015)
Մայր ընկերություն	Ռոստեխ
Կայք	russianhelicopters.aero/ru/mvz/
Բորսա	MVZM և Մոսկվայի բորսա
Mil Moscow Helicopter Plant Վիքիպահեստում

Մոսկվայի Մ.Լ. Միլի անվան ուղղաթիռային գործարան (ռուս.՝ Московский вертолётный завод имени М. Л. Миля), ավիացիոն ձեռնարկություն, որը գտնվում է Մոսկվայի մարզի Լյուբերեցկի շրջանի Տոմիլինո քաղաքատիպ ավանում, զբաղվում է ուղղաթիռների հավաքմամբ և փորձնական շահագործմամբ։

Գործարանը ստեղծվել է գլխավոր կոնստրուկտոր Միխայիլ Միլի կողմից 1947 թվականին։

ներառում է փորձնական կոնստրուկտորական բյուրո, փորձնական արտադրություն,փորձարարա-հետազոտական համալիր և թռիչքա-փորձարարական բազա։ Մտնում է «Ռոստեխ» պետկորպորացիայի կազմի մեջ։

Մոսկվայի Մ. Լ. Միլի անվան ուղղաթիռային գործարանն իր անվանումը ստացել է ուղղաթիռների խորհրդային կոնստրուկտոր և գիտնական, տեխնիկական գիտությունների դոկտոր (1945), սոցիալիստական աշխատանքի հերոս (1966), Լենինյան մրցանակի (1958) և ԽՍՀՄ Պետական մրցանակի (1968) դափնեկիր Միխայիլ Միլի պատվին։

2000-2001 թվականները Միլի անվան ուղղաթիռային գործարանի կոմերցիոն տնօրենի հաստիքը զբաղեցնում էր Դենիս Մանտուրովը, որը այժմ Ռուսաստանի Դաշնության արդյունաբերության և առևտրի նախարարն է։

Մ. Լ. Միլի անվան ուղղաթիռային գործարանի հիմնական բաժնետերը «Օբորոնպրոմ» ԲԲԸ-ն է, որն ունի բաժնետոմսերի 80,71%-ը, իսկ 9,38%-ը պատկանում է Sikorsky ընկերությանը (ԱՄՆ)։

Մոսկվայի Մ. Լ. Միլի անվան ուղղաթիռային գործարանում նախագծվել և հավաքվել է ուղղաթիռների ավելի քան 15 բազային մոդել, որոնք այժմ արտադրվում են ավելի քան 200 մոդիֆիկացիաներով։

• Մի-1
• Մի-2 թեթև բազմանպատակ
• Մի-4
• Մի-6 ծանր դեսանտատրանսպորտային
• Վ-7
• Մի-8 միջին բազմանպատակ (սերիան ներառում է Մի-171 ուղղաթիռը)
• Մի-10
• Մի-12 աշխարհի ամենածանր ուղղաթիռը
• Մի-14 բազմանպատակ ուղղաթիռ-ամֆիբիա
• Մի-24 տրանսպորտա-մարտական
• Մի-26 բազմանպատակ ծանր տրանսպորտային
• Մի-28Ն մարտական
• Մի-34 թեթև ուսումնամարզական
• Մի-38 միջին բազմանպատակ

• Միլ Մի-24
• Միլ Մի-38