Հրանտ Դանիելյան

Վիքիպեդիայում կան հոդվածներ Դանիելյան ազգանունով այլ մարդկանց մասին։

Հրանտ Դանիելյան
Ծնվել է	դեկտեմբերի 13, 1926(1926-12-13)[1]
Ծննդավայր	Մեծշեն
Մահացել է	հունիսի 18, 2003(2003-06-18)[1] (76 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան (1951)
Մասնագիտություն	ռենտգենաբան
Կոչում	պրոֆեսոր
Գիտական աստիճան	բժշկական գիտությունների դոկտոր (1975) և պրոֆեսոր (1977)
Աշխատավայր	Երևանի Մխիթար Հերացու անվան Պետական Բժշկական Համալսարան

Հրանտ Արամի Դանիելյան (դեկտեմբերի 13, 1926(1926-12-13)^[1], Մեծշեն - հունիսի 18, 2003(2003-06-18)^[1], Երևան, Հայաստան), հայ ռենտգենաբան։ Բժշկական գիտությունների դոկտոր (1975), պրոֆեսոր (1977)։

Հրանտ Դանիելյանը ծնվել է Մեծշեն գյուղում^[2] (այժմ՝ Լեռնային Ղարաբաղի Հանրապետության Մարտակերտի շրջան)։ 1951 թվականին ավարտել է Երևանի բժշկական ինստիտուտի բուժ-կանխարգելման ֆակուլտետը։ 1955-1956 թվականներին եղել է Կիրովականի թիվ 1 հիվանդանոցի ռենտգենաճառագայթաբանության բաժանմունքի վարիչի տեղակալ։

1957 թվականից աշխատել է Երևանի բժշկական ինստիտուտի ռենտգենաճառագայթաբանության ամբիոնում, 1957-1994 թվականներին եղել է նույն ամբիոնի վարիչ։ Անդամակցել է Հայկական ասոցիացիայի բժշկական ախտորոշման խորհրդին^[3]։

Առաջարկել է կերակրափողի հետազոտման կողմնադրության եղանակ։ Հաստատել է, որ ռենտգենահեռուստատեսային լուսադիտումը, զուգակցված նշանոցով ռենտգենագրության հետ, կերակրափողի հիվանդությունների տարբերակիչ ախտորոշման արդյունավետ եղանակ է։ Ռենտգենաբանական կինեմատոգրությունը նպաստում է կերակրափողի և ստամոքսամուտքի ֆունկցիայի առավել մանրակրկիտ հետազոտմանը։ Շուրջ 135 հրապարակումների հեղինակ է^[4]։

• «Առողջապահության գերազանցիկ» շքանշան

• Рентгенотелевизионная кинематография пищевода, Масква, 1969 (համահեղինակ).

• Айриян А. П. Армянские учёные-медики. Ер., 1998 - 276 с. ISBN 99930-1-001-7.

Բառարաններ և հանրագիտարաններ Հայազգ