Հայկական ծաղկափոշեկեր

Հայկական ծաղկափոշեկեր (լատին․՝ Anthaxia armeniaca), ծաղկափոշեկերների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Ոչ լայն ձվաձև մարմնով և 5-6,5 մմ երկարությամբ մանր չափի բզեզ է։ Գունավորումը բացից մինչև մուգ դարչնագույն է, իսկ ոտքերը՝ բաց դարչնագույն^[1]։

Հայաստանի էնդեմիկ է։ Տարածված է Իջևանի քաղաքի շրջակայքում և Թեղուտ գյուղում՝ Հաղարծին վանքի մոտ (Տավուշի մարզ)^[1]։

Ապրում է անտառների բացատներում և անտառեզրերում, հանդիպում՝ հունիս-հուլիս ամիսներին հովանոցազգի բույսերի ծաղիկների և ծաղկող թփերի վրա։

Կենսաբանական առանձնահատկություններն անհայտ են^[1]։

Սահմանափակ արեալով հազվագյուտ տեսակ է, որը Բնության պահպանության միջազգային մության Կարմիր ցուցակում գրանցված է որպես վտանգված տեսակ։

Թվաքանակը չափավոր բարձր է, իսկ փոփոխության միտումները՝ անհայտ։

Սպառնացող վտանգներից են ապօրինի հատումների հետևանքով անտառային էկոհամակարգերի դեգրադացումը և հողի վերին շերտի կարծրացումը՝ պայմանավորված չկարգավորված ռեկրեացիոն ծանրաբեռնվածությամբ։

Պահպանվում է «Դիլիջան» ազգային պարկում և «Իջևան» արգելավայրում^[1]։